Qazaqstan Álem kýbogynyń kúmis júldegeri atandy

Elimizdiń short-trekten erler qurama komandasy Kanadanyń Monreal qalasynda ótip jatqan Álem kýbogynyń alǵashqy kezeńinde estafetada ekinshi oryn aldy.

Bul týraly Mádenıet jáne sport mınıstrliginiń sportty damytý dırekııasy habarlady.

«A» tobynyń fınalynda Qazaqstanmen birge Italııa, Ońtústik Koreıa men Kanadanyń sportshylary kúsh synasty. Bul kvartette máre syzyǵyn Ońtústik Koreıa birinshi bolyp qıdy (7:01.850). Al otandastarymyz 7:07.972 nátıje kórsetip, kúmis júldege ıe boldy. Qola medal Kanadaǵa buıyrdy.

Keshe jartylaı fınaldaǵy alǵashqy topta Qazaqstan, Kanada, Qytaı men Japonııa quramasy 5 shaqyrymǵa jarysqan bolatyn. Osy synda márege birinshi bolyp 7 mınýt 9 sekýndtta alań ıeleri jetti. Quramynda Abzal Ájiǵalıev, Nurtilek Qajyǵalı, Ádil Ǵalıahmetov pen Denıs Nıkısha bar ulttyq qurama olardan 2 sekýndqa qalyp qoıdy.

Endi Álem kýbogynyń kelesi kezeńi 4-6 qarasha aralyǵynda AQSh-tyń Solt-Leık-Sıtı qalasynda ótedi.

Dastan KENJALIN,

ASTANA