Qazaq qyzy paradzıýdodan álem chempıony atandy

Ázerbaıjannyń astanasy Baký qalasynda paradzıýdodan ótip jatqan álem chempıonatynda Aqmaral Naýtbek 48 keli salmaq dárejesinde franııalyq Aýrerıes Martınet Sandrındi utyp, altyn júldeni jeńip aldy. 

Bul – Qazaqstan tarıhyndaǵy paradzıýdo sportynan áıelder arasyndaǵy álem chempıonatynyń alǵashqy altyn medali.

Álemdik dodanyń fınalyna Erǵalı Shımeı de shyqqan bolatyn. Álem chempıonatynda 40 eldiń 300-den astam sportshysy baq synap jatyr.

Aqmaral Naýatbek — Qajymuqan Muńaıtpasov atyndaǵy mektep-ınternat-kolledj túlegi. Ol kórý qabileti nasharlap, densaýlyǵyna zaqym tıe bastaǵandyqtan, paradzıýdo sport túrine aýysqan edi. Aqmaral densaýlyǵyna qaramastan sporttyń osy túrinde de top jaryp, álem chempıony atanyp otyr.

Dastan KENJALIN,

ASTANA