يراندا فۋتبولشى ءالي داەي ءولىم جازاسىنا كەسىلدى

يران وكىمەتى فۋتبولدان ەلدىڭ ۇلتتىق قۇراما كومانداسىنىڭ بۇرىنعى شابۋىلشىسى ءالي داەيدى ءولىم جازاسىنا كەستى.

كەزىندە يران قۇراماسى مەن ەۋروپانىڭ بىرنەشە  اتاقتى كلۋبتارىنىڭ ويناعان فۋتبولشى قىركۇيەك ايىنىڭ باسىندا قازا تاپقان 22 جاستاعى ماحسا ءامينيدىڭ ولىمىنە بايلانىستى نارازىلىق اكتسيالارىنا قاتىسقان.

ول يران ۇكىمەتىن قۋعىن-سۇرگىن، زورلىق-زومبىلىق جانە قاماۋعا الۋدى جالعاستىرۋدىڭ ورنىنا يران حالقىنىڭ ماسەلەلەرىن شەشۋگە شاقىرعان. وسى جازباسى Instagram جەلىسىندە جاريالانعاننان كەيىن ونىڭ تولقۇجاتى تاركىلەنگەن كورىنەدى.

ال 14 قاراشادا ءالي داەي Instagram-داعى پاراقشاسىنا فيفا-نىڭ كاتارعا الەم چەمپيوناتىنا شاقىرۋدان باس تارتقانىن جازعان بولاتىن.

وسىنداي قيىن ساتتە وتانىممەن بىرگە بولامىن، — دەگەن ول.

كريشتيانۋ رونالدۋ ونىڭ رەكوردىن جاڭارتقانعا دەيىن داەي ۇلتتىق قۇراما تاريحىنداعى ەڭ ۇزدىك بومباردير بولدى. يراندىق شابۋىلشى ۇلتتىق قۇراما ساپىندا 149 ماتچ وتكىزىپ، 109 گول سوققان.

ول ەۋروپادا «باۆاريا»، «گەرتا بەرلين» جانە «ارمينيا» سەكىلدى كوماندالاردىڭ ساپىندا ويناعان.

داستان كەنجالين،

استانا