Iranda fýtbolshy Álı Daeı ólim jazasyna kesildi

Iran ókimeti fýtboldan eldiń ulttyq qurama komandasynyń burynǵy shabýylshysy Álı Daeıdi ólim jazasyna kesti.

Kezinde Iran quramasy men Eýropanyń birneshe  ataqty klýbtarynyń oınaǵan fýtbolshy qyrkúıek aıynyń basynda qaza tapqan 22 jastaǵy Mahsa Amınıdiń ólimine baılanysty narazylyq akııalaryna qatysqan.

Ol Iran úkimetin qýǵyn-súrgin, zorlyq-zombylyq jáne qamaýǵa alýdy jalǵastyrýdyń ornyna Iran halqynyń máselelerin sheshýge shaqyrǵan. Osy jazbasy Instagram jelisinde jarııalanǵannan keıin onyń tólqujaty tárkilengen kórinedi.

Al 14 qarashada Álı Daeı Instagram-daǵy paraqshasyna FIFA-nyń Katarǵa álem chempıonatyna shaqyrýdan bas tartqanyn jazǵan bolatyn.

Osyndaı qıyn sátte otanymmen birge bolamyn, — degen ol.

Krıshtıaný Ronaldý onyń rekordyn jańartqanǵa deıin Daeı ulttyq qurama tarıhyndaǵy eń úzdik bombardır boldy. Irandyq shabýylshy ulttyq qurama sapynda 149 match ótkizip, 109 gol soqqan.

Ol Eýropada «Bavarııa», «Gerta Berlın» jáne «Armınııa» sekildi komandalardyń sapynda oınaǵan.

Dastan KENJALIN,

ASTANA