ÁCh-2022: Iran jankúıerleri AQSh-tan jeńilgen soń bir-birimen tóbelesti

Fýtboldan Katarda ótip jatqan álem chempıonatynda Iran quramasynyń jankúıerleri bir-birimen tóbelesip qaldy. Olar búgin túnde AQSh komandasynan jeńilgen soń, bir-birine judyryq ala júgirgen.

BAQ-ta, áleýmettik jelide tóbelestiń neden shyqqany týraly kóp nárse aıtylyp jatqan joq. Telegram-daǵy «Pervyı sport» arnasynyń habarlaýynsha, parsylar bir-birin jeńiliske kinálap, tóbelesken joq. Olar oıynnan keıin ókimetti jaqtaýshylar men Irandaǵy bıligine qarsylar bolyp bólinip, tóbelesken. Iran bıligin jaqtaýshylar narazy topty stadıon aýmaǵynan qýǵan kórinedi.

Iran men AQSh-tyń oıyny 0:1 esebimen aıaqtaldy. Osydan keıin parsy eli álem chempıonatymen qosh aıtysty. Al amerıkalyqtar pleı-offqa joldama aldy.

Dastan KENJALIN,

ASTANA