Iranda belgisiz adam 27 jastaǵy fýtbol jankúıerin atyp ketti

Katarda fýtboldan ótip jatqan álem chempıonatynda Iran men AQSh (0:1) qurama komandalarynyń kezdesýinen keıin Irannyń Enzelı qalasynda saqshylar 27 jastaǵy  Mehran Samakty degen jankúıerdi atyp ketken. Bul týraly The Guardian habarlady.

Iran quramasy Qatardaǵy álem chempıonatynda toptan shyǵa almaıtyn jaǵdaıǵa jetken soń Samak kóliginiń sıgnalyn qosyp júrgen. Osyny syltaýratqan belgisiz adam jankúıerdi basynan atyp ketken.

Iran fýtbolshylary mýndıalda ótkizgen úsh kezdesýde 3 upaımen úshinshi orynnan ári asa almady. Al V tobynda Anglııa men AQSh týrnırdiń 1/8 fınalyna joldama aldy. Endi 3 jeltoqsanda AQSh pen Nıderlandy, Anglııa men Senegal komandalary kezdesedi.

Dastan KENJALIN,

ASTANA