Qazaqstan eskek esýden taǵy eki júlde aldy

Taılandtyń Pattaııa qalasynda akademııalyq eskek esýden eresekter men jastar arasyndaǵy XXI Azııa chempıonatynyń sońǵy kúni Qazaqstan quramasynyń sportshylary taǵy eki medal jeńip aldy.

Jasóspirimder arasynda (JM2-) Tımýr Fomıchev pen Iaroslav Melnıkov juby márege birinshi kelip, altyn júlde aldy. Al jasóspirimder arasynda (JM4-) sanatynda Medına Qońyrbaeva, Varvara Belonogova, Anjela Polıanına, Melanı Jakýpova kvartetin fınalda úzdik úshtikti túıindedi.

Eresekter arasynda (LW1x) Marııa Cherneke sáttilik jetispeı, márege besinshi bolyp jetti. Sonymen qatar jasóspirimder arasynda (JM1x) Artem Matýsevıch júldege synyq súıem qalǵanda súripi, tórtinshi satydan kórindi.

Ulttyq qurama 3 jeltoqsanda eki medalge ıe bolǵan edi.

Dastan KENJALIN,

ASTANA