اۋىر اتلەتيكادان الەم چەمپيوناتى وتەدى

كولۋمبيانىڭ استاناسى بوگوتا قالاسىندا اۋىر اتلەتيكادان الەم چەمپيوناتى وتەدى. وعان قازاقستان قۇراماسى قاتىسادى.

بۇل  دودادا ەلىمىزدىڭ اتىنان 13 اۋىر اتلەت كۇش سىناسادى. ولاردىڭ اراسىندا ارلي چونتەي (55 كگ)، اناتولي ساۆەلەۆ (67 كگ)، بەكتاي اسىلجان، دەنيس ۋلانوۆ (89 كگ)، ەلامان سەيىتقازى (81 كگ)، الىشەر سەيىتقازى (96 كگ)، نۇرعيسا ادىلەت ۇلى (96 كگ)، اراي نۇرلىبەكوۆا (76 كگ)، ارتەم انتروپوۆ (102 كگ)، ايشا وماروۆا (81 كگ)، ايىم ەسجانوۆا (87 كگ) مەن ليۋبوۆ كوۆالچۋك (87 كگ) بار.

بيىلعى قازان ايىندا وتكەن ازيا چەمپيوناتىندا ەل قۇراماسىنان ايحادا ءمۇپتىلدا، زۋلفيا چينشانلو مەن اسىلجان بەكتاي چەمپيون اتاندى. ال ارلي چونتەي مەن اراي نۇرلىبەكوۆا كۇمىس، ايشا وماروۆا مەن ارتەم انتروپوۆ قولا جۇلدە الدى.

الەم چەمپيوناتى استانا ۋاقىتىمەن «Qazsport» تەلەارناسىنان تىكەلەي ەفيردە ساعات 3:30-6:00 ارالىعىندا كورسەتىلەدى.

7 جەلتوقسان، 06:00-دە – 55 كەلىگە دەيىن (ا توبى) ارلي چونتەي;

10 جەلتوقسان، 01:00-دە – 73 كەلىگە دەيىن (ۆ توبى) الەكسەي چۋركين، ساعات 3:30-دا – 67 كەلىگە دەيىن (ا توبى) اناتولي ساۆەلەۆ;

12 جەلتوقسان، ساعات 1:00-دە – 89 كەلىگە دەيىن (ۆ توبى) اسىلجان بەكتاي، دەنيس ۋلانوۆ; ساعات 3:30-دا – 81 كەلىگە دەيىن (ا توبى) ەلامان سەيىتقازى;

13 جەلتوقسان، ساعات 1:00-دە – 96 كەلىگە دەيىن (ۆ توبى) الىشەر سەيىتقازى; ساعات 03:30-دا – 96 كەلىگەدەيىن (ا توبى) نۇرعيسا ادىلەت ۇلى;

14 جەلتوقسان، ساعات 01:00-دە – 76 كەلىگە دەيىن (ۆ توبى) اراي نۇرلىبەكوۆا; 06:00-دە – 102 كەلىگە دەيىن (ا توبى) ارتەم انتروپوۆ;

14 جەلتوقسان، ساعات 22.30-دا – 81 كەلىگە دەيىن (س توبى) ايشا وماروۆا;

ساعات 22:30-دا – 87 كەلىگە دەيىن (ۆ توبى) ايىم ەسجانوۆا;

15 جەلتوقسان، ساعات 22:30-دا – 87+ كەلى (ۆ توبى) ليۋبوۆ كوۆالچۋك:

العاشقىدا چەمپيوناتتى قىتايدىڭ چۋنتسين قالاسىندا وتكىزۋ جوسپارلانعان ەدى. بىراق بيىلعى جىلدىڭ ناۋرىز ايىندا حالىقارالىق اۋىر اتلەتيكا فەدەراتسياسى (IWF) ونى كولۋمبيا استاناسىنا اۋىستىرۋ جونىندە شەشىم قابىلداندى.

وعان قىتايدا كوروناۆيرۋس جاعدايىنا بايلانىستى قاتاڭ تالاپتار قويىلۋى باستى سەبەپ بولدى.

داستان كەنجالين،

استانا