Ispanııa quramasyna jańa bas jattyqtyrýshy taǵaıyndaldy

Fýtboldan Ispanııa quramasy álem chempıonatynda shırek fınalǵa shyǵa almaı qalǵannan keıin onyń bas jattyqtyrýshysy almasty.

Ispanııa fýtbol federaııasy eldiń ulttyq quramasy bas jattyqtyrýshysynyń oryntaǵyna Lýıs de la Fýente taǵaıyndalǵanyn málimdedi.

Katarda ótip jatqan álem chempıonatynyń birinshi oıynynda Kosta-Rıka komandasyn 7:0 etip, oısyrata utyp, dop dodasyn tabysty bastaǵan «Qyzyl fýrııa» budan keıin birtindep bojyraı berdi. Onyń pleı-off kezeńine Marokko quramasymen oıyny shynynda óte nashar boldy. Barynsha súreńsiz ótken matchta ıspandar qarsylastaryn utyp ketetindeı ynta da, sheberlik te kórsete almaı, aqyrynda penaltı serııasynda masqara bolyp utyldy. Olardyń alǵashqy úsh fýtbolshysy qarsylastar qaqpasyn dál kózdeı almady. Esesine, bir ret qana múlt ketken marokkolyqtar úsh ret tordy búlk etkizip, óz mereılerin ústem etip shyǵa keldi.

Sóıtip, Ispanııa quramasy shırek fınalǵa shyǵa almady. Osy úshin bas jattyqtyrýshy Lýıs Ernıke elge kelgesin birden qyzmetinen bosatyldy.

Onyń ornyna kelip jatqan Lýıs de la Fýente buryn Ispanııanyń jasóspirimder men jastar quramalarynda jumys istegen. Ol endi óziniń jańa mindetine álem chempıonaty aıaqtalǵannan keıin kirisedi. Onyń qol astyndaǵy Ispanııa quramasy 2020 jyly Tokıoda Olımpııalyq oıyndardyń kúmis júldegeri atandy.

Serik PIRNAZAR,

QYZYLORDA