توقاەۆ تۇڭعىش الەم چەمپيونىن قۇتتىقتادى

پرەزيدەنت قاسىم-جومارت توقاەۆ ارالاس ساناتتا تۋنيستە وتكەن ۇستەل تەننيسىنەن الەم چەمپيونى اتانعان الان قۇرمانعاليەۆتى قۇتتىقتادى، دەپ حابارلادى اقوردا.

قازاقستاندا ۇستەل تەننيسىنىڭ جانكۇيەرلەرى ءوزىڭدى ماقتان تۇتادى. وسى جەتىستىكتەرىڭمەن شەكتەلمەي، بەدەلدى الەمدىك تۋرنيرلەرىندە ەڭ جوعارى جۇلدەلەرگە يە بولۋ ءۇشىن سپورتتاعى شەبەرلىگىڭدى شىڭداي تۇسۋىڭە تىلەكتەسپىن. بۇل مىندەت سەنىڭ قولىڭنان كەلەدى! تالماي ەڭبەك ەت، كۇرەس جانە جەڭىستەرگە جەتە بەر! – دەپ جازىلعان مەملەكەت باسشىسىنىڭ جەدەلحاتىندا.

10 جەلتوقساندا تەننيسشى الان قۇرمانعاليەۆ 15 جاسقا دەيىنگى ارالاس جۇپتىق سىندا مىسىرلىق حانا گودامەن بىرلەسىپ، فينالدا تياگو ابيودانا مەن ماريا بەرزوستى (پورتۋگاليا/يسپانيا) سەنىمدى ۇتقان. ەسەپ: 3:0. وسىلايشا، ول ۇستەل تەننيسىنەن الەم چەمپيونى اتانعان تۇڭعىش قازاقستاندىق سپورتشى اتاندى.

داۋرەن ەربولات،

استانا