رەسەيلىك الەم چەمپيونى جارىسقا قاتىسۋ ءۇشىن ءوز ەلىنەن باس تارتتى

110 مەترگە كەدەرگىلەر ارقىلى جۇگىرۋدەن 2015 جىلعى الەم چەمپيونى سەرگەي شۋبەنكوۆ بەيتاراپ سپورتشى مىرتەبەسىن الۋعا نيەتتى ەكەنىن ايتتى.

قازىر  رەسەيلىك سپورتشىلاردىڭ حالىقارالىق جارىستارعا قاتىسۋىنا تىيىم سالىنعان. ال الەمدىك دودالارعا قاتىسۋ ءۇشىن باسقا ەلدىڭ ازاماتتىعىن الۋ كەرەك. جارىسقا قاتىسۋدىڭ تاعى ءبىر جولى — بەيتاراپ سپورتشى اتانۋ كەرەك. سوندا عانا سپورتشى دۇرمەكتى دودالارعا قاتىسا الادى. رەسەيلىك سپورتشى دا جارىستارعا قاتىسۋ ءۇشىن بەيتاراپ سپورتشى اتاعىن الۋدى ماقسات ەتىپ وتىر.

بەيتاراپ سپورتشى ستاتۋسىن الۋ ءۇشىن وتكەن جولى ءوتىنىم بەرىپ قويعانمىن. ءالى قاراستىرعان جوق. ەندى وسى ماسەلەمەن اينالىساتىن بولامىن. ەگەر ءوتىنىمنىڭ ۋاقىتى ءوتىپ كەتسە، جاڭادان راسىمدەيمىن، — دەدى شۋبەنكوۆ.
World Athletics بەيتاراپ سپورتشىلاردىڭ ءوتىنىمىن قابىلداۋ ءۇشىن رەسەيلىك دوپينگ اگەنتتىگى مەن جەڭىل اتلەتيكا فەدەراتسياسىنان رەسمي حات سۇراتادى.

داستان كەنجالين،

استانا