Marokkodaǵy stadıonǵa 24 jastaǵy fýtbolshynyń aty berildi

Marokko eliniń Ál-Kasr ál-Kabır qalasyndaǵy mýnııpaldy stadıon budan bylaı Ashraf Hakımıdiń atymen atalatyn boldy.

Sport jankúıerlerine jaqsy tanys 24 jastaǵy Ashraf Hakımı – Marokko ulttyq quramasynyń múshesi, Franııanyń «Parı Sen-Jermen» klýbynyń jartylaı qorǵaýshysy.

Bul jańalyq jaıly fýtbolshynyń ózi Facebook-tegi paraqshasyna jazdy. Ol jergilikti bıliktiń uıymdastyrýymen myńdaǵan adam qatysqan rásimge qatysqanyn, jurtshylyq ony án salyp, bı bılep qarsy alǵanyn aıtty.

Ashraf Hakımı jaqynda Katarda ótken álem chempıonatynda Marokko quramasynyń jartylaı fınalǵa shyǵyp, tórtinshi oryn alýyna zor úles qosqandardyń biri boldy. Mundaı tolaǵaı tabysqa buǵan deıin birde-bir Afrıka nemese arab elderi quramasy jetken joq, – dep atap ótti jergilikti baspasóz.

Ál-Kasr ál-Kabır – sportshy anasynyń týyp-ósken qalasy. Chempıonat kezinde Ashraftyń anasyn qushaqtap túsken sýreti búkil álemdi sharlap ketti (tómende).

2022 jylǵy 20 jeltoqsan kúni Marokko koroli Mýhammed VI Rabattaǵy saraıynda álem chempıonatynda jetken jetistikteri úshin osy eldiń ulttyq quramasynyń basqa múshelerimen birge Hakımıdi de qabyldap, olardyń bárin III synypty (ofıer dárejesi) Taq ordenimen marapattady.

Ashraf Hakımı 1998 jyly 4 qarashada Ispanııa astanasy – Madrıd qalasynda týǵan. Ol óziniń fýtbolshylyq karerasynda Madrıdtiń «Real» klýbynda, Germanııanyń «Borýssııa» (Dortmýnd), Italııanyń «Inter» (Mılan) komandasynda óner kóretip, 2021 jyly Franııanyń «PSJ» komandasyna aýysty.

2018 jyly Chempıondar lıgasynyń, 2017 jyly klýbtyq álem chempıonatynyń, sol jyly ÝEFA Sýperkýbogynyń, Ispanııa Sýperkýbogynyń, 2019 jyly Germanııa Sýperkýbogynyń, 2022 jyly Franııa Sýperkýbogynyń ıegeri, 2021 jyly Italııanyń, 2022 jyly Franııanyń chempıony atandy.

Hakımı álem chempıonatynda Marokko quramasy toptyq týrnırde Kanadany jeńgen (2:1) matchta úzdik oıynshy bolyp tanyldy. 1/8 fınalda Ispanııany oıynnan keıingi penaltı boıynsha jeńýde (3:0) sheshýshi eń sońǵy goldy saldy.

Taǵy bir aıtatyn nárse, Marokko quramasynyń fýtbolshylary ózderine syı-sııapat retinde tapsyrylǵan barlyq aqshany eldegi jarly-jaqybaılarǵa taratyp berdi.

Dastan KENJALIN,

ASTANA