Ýnıversıadada Qazaqstan hokkeıshileri Ulybrıtanııany oısyrata utty

Hokkeıden Qazaqstannyń stýdentter quramasy AQSh+tyń Leık-Plesıde qalasynda ótip jatqan qysqy ýnıversıadada Ulybrıtanııa komandasymen kezdesip, 15:1 esebimen jeńiske jetti.

Matchta birinshi bolyp Batyrlan Muratov esep ashty. Odan keıin Ulybrıtanııanyń hokkeıshisi Semıýel Rodjers esepti teńestirdi. Esep teńesken soń, Qazaqstan quramasy birinshi  úziliske deıin 5 shaıba salyp alǵa shyqty. Munda Batyrlan Muratov dýbl jasasa, Maksım Muhametov, Vsevolod Logvın, Ivan Gavrılenko men Artem Korolev qaqpany dál kózdedi.

Ekinshi kezeńde otandastarymyz qarsylas qaqpasyna taǵy jeti shaıba salyp, esepti 13:1-ge jetkizdi. Danıl Býtenko, Álıhan О́mirbekov, Batyrlan Muratov (het-trık), Rýslan Demın, Álı Qasenov, Kırıll Polohov pen Gavrılenko (dýbl) shaıbanyń avtory atandy.

Úshinshi kezeńde Polohov matchtaǵy ekinshi shaıbasyn soqsa, Maksım Muhametov qoıyp, esepti 15:1-ge jetkizdi.

Buǵan deıin otandastarymyz Ońtústik Koreıany 5:1, Vengrııa komandasyn 9:1 esebimen jeńgen bolatyn. Endi Qazaqstan óz tobynda Slovakııa jáne AQSh quramalarymen oınaıdy.

Dastan KENJALIN,

ASTANA