قىسقى ۋنيۆەرسيادادا قازاقستان قورجىنىنا العاشقى التىن مەدال ءتۇستى

بياتلونشى ۆاديم كۋرالەس اقش-تىڭ لەيك-پلەسيد قالاسىندا ءوتىپ جاتقان قىسقى ۋنيۆەرسيادانىڭ چەمپيونى اتاندى.

ۆاديم كۋرالەس 15 شاقىرىم قاشىقتىقتا جەكەلەي سىندا مارە سىزىعىن ءبىرىنشى بولىپ قيدى.

جارىس جولىنا 16-بولىپ شىققان ۆاديم نىسانا كوزدەۋدەن ءبىر عانا رەت (0+1+0+0) ءمۇلت كەتىپ، 42:37.4 مينۋت ناتيجە كورسەتتى.

نورۆەگيالىق بياتلونشى ەريان موسەنگ وتانداسىمىزدان 42،6 سەكۋندقا قالىپ قويىپ، ەكىنشى ورىنعا يە بولدى. فرانتسيالىق اكسەل گارنە (+1:16.5) ۇزدىك ۇشتىكتى تۇيىندەدى.

سونداي-اق الەكساندر مۋحين، كيريلل باۋەر مەن بەكەنتاي تۇرلىبەكوۆ وسى قاشىقتىقتا سىنعا تۇسكەنىمەن، ولار جۇلدەگە ىلىگە المادى.

وسىلايشا، قازاقستان قورجىنىنا العاشقى جۇلدە – التىن مەدال ءتۇستى.

داستان كەنجالين،

استانا