Qysqy ýnıversıadada Qazaqstan qorjynyna alǵashqy altyn medal tústi

Bıatlonshy Vadım Kýrales AQSh-tyń Leık-Plesıd qalasynda ótip jatqan qysqy ýnıversıadanyń chempıony atandy.

Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıdy.

Jarys jolyna 16-bolyp shyqqan Vadım nysana kózdeýden bir ǵana ret (0+1+0+0) múlt ketip, 42:37.4 mınýt nátıje kórsetti.

Norvegııalyq bıatlonshy Erıan Moseng otandasymyzdan 42,6 sekýndqa qalyp qoıyp, ekinshi orynǵa ıe boldy. Franııalyq Aksel Garne (+1:16.5) úzdik úshtikti túıindedi.

Sondaı-aq Aleksandr Mýhın, Kırıll Baýer men Bekentaı Turlybekov osy qashyqtyqta synǵa túskenimen, olar júldege ilige almady.

Osylaısha, Qazaqstan qorjynyna alǵashqy júlde – altyn medal tústi.

Dastan KENJALIN,

ASTANA