Australian Open-2023: رىباكينا ءۇشىنشى اينالىمعا شىقتى

قازاقستاننىڭ ءبىرىنشى، الەمنىڭ 25-راكەتكاسى ەلەنا رىباكينا اۆستراليا اشىق چەمپيوناتىنىڭ ءۇشىنشى اينالىمىنا شىقتى.

تەننيسشى «ۇلكەن دۋلىعا» ءتۋرنيرىنىڭ ەكىنشى اينالىمىندا دۇنيەجۇزىلىك رەيتينگتە 104-ورىندا تۇرعان سلوۆەنيالىق كايا يۋۆانمەن كەزدەستى.

ءبىرىنشى پارتيادا وتانداسىمىز قارسىلاسىن 6:2 ەسەبىمەن ۇتىپ، ءوز شەبەرلىگىنىڭ الدەقايدا باسىم ەكەندىگىن كورسەتتى. ەكىنشى سەتتە دە بىردەن العا كەتىپ، قارسىلاسىنا ەش مۇمكىندىك بەرگەن جوق. ەسەپ — 6:1.

ويىندا رىباكينا 5 ەيس جاساپ، 8 برەيك-پوينتتىڭ تەڭ جارتىسىن پايدالاندى.

رىباكينا ءتورتىنشى اينالىمعا شىعۋ ءۇشىن الەمنىڭ 11-راكەتكاسى، امەريكالىق دانيەل كوللينز نەمەسە رەيتينگتە 133-ساتىداعى چەحيالىق كارولينا مۋحوۆانىڭ بىرەۋىمەن كەزدەسەدى. ول جۋىردا د.كوللينزدى ادەلايدا تۋرنيرىندە  5:7، 6:2، 6:3 ەسەبىمەن ۇتقان ەدى.

داستان كەنجالين،

استانا