Dzıýdo federaııasy úzdik balýandar men bapkerlerge 20 mln teńge tabys etti

Qazaqstan dzıýdo federaııasy úzdik balýandar men jattyqtyrýshylarǵa 20 mln teńge tabys etti. 

Kezdesýde álem chempıonatynyń júldegerleri 4 mln teńgeden, Azııa chempıony 2 mln teńgeden, qurlyqtyq birinshiliktiń kúmis júldegeri 700 myń teńge syıaqy aldy. Al qola júldegerler jarty mıllıon teńgeden jáne jasóspirimder arasyndaǵy álem chempıonatynyń júldegerleri 400 myń teńgeden ıelendi. Aqshalaı sertıfıkattar Qazaqstan quramasynyń jańa maýsym qarsańynda ótkizip jatqan oqý-jattyǵý jıynynda tabys etildi.

Osy kúni syıaqylardy elimizge belgili dzıýdoshylar ǵana emes, erler jáne áıelder ulttyq qurama komandalarynyń bas jattyqtyrýshylary Nurbol Súleımenov pen Erlan Alpysbaev  700 myń teńge kólemindegi aqshalaı sertıfıkattarmen marapattaldy. Búginde olardyń basshylyǵymen elimizdiń 120-ǵa jýyq dzıýdoshy Gran Prı jáne Grand Slam serııalaryna, sondaı-aq mamyr aıynda Katarda ótetin álem chempıonatyna daıyndalýda. Osy týrnırlerde dzıýdoshylar kelesi jyly Parıjde ótetin Olımpııa oıyndaryna irikteý upaılaryn jınaı bastaıdy.

Sondaı-aq, federaııa balýandardy jarysqa daıyndaıtyn jattyqtyrýshylardyń keńesshilerin, dárigerlerdi, massajıster men ulttyq quramanyń menedjerlerin 250 myń teńgeden 700 myń teńgege deıingi kólemdegi sertıfıkattarmen marapattady.

Qazir resmı derekter boıynsha elimizde barlyǵy 85 myńǵa jýyq adam dzıýdomen aınalysady. Dzıýdodan jasóspirimder, jastar jáne eresekter arasyndaǵy Qazaqstan chempıonattaryna elimizdiń túkpir-túkpirinen 10 myńnan astap sportshy bas qosyp, ózara baq synasyp júr.

Byltyrǵy jyl  dzıýdoshylar úshin sátti aıaqtaldy. Qazan aıynda Tashkentte ótken álem chempıonatynda otandastarymyz eki qola júldege ıe boldy. Eldos Smetov erler arasynda 60 kelige deıingi salmaq dárejesinde úshinshi orynǵa taban tirese, Ábıba Ábýjaqynova áıelder arasynda 48 kelige deıingi salmaq dárejesinde qola júldeni ıelendi.

Tamyz aıynda ótken qurlyqtyq birinshilikte Qazaqstan quramasy el namysyn abyroımen qorǵady. Atap aıtqanda, 73 kelige deıingi salmaqta Danııar Shamshaev jarys jeńimpazy atandy. Al 100 kelige deıingi Islam Bozbaev kúmis júlde aldy. Dıdar Hamza, Maǵjan Shamshadın, Ǵusman Qyrǵyzbaev, Nurlyhan Sharhan jáne Arýna Jangeldına Azııa chempıonatynyń qola júldesin qorjynǵa salǵan bolatyn.

Sonymen qatar, Kamıla Berliqash qarasha aıynda Bakýde ótken Grand Slams erııasy týrnıriniń qola júldegeri atandy. Al Bosnııa men Geregovınada jasóspirimder arasyndaǵy álem chempıonatynda 50 kelige deıingi jáne 60 kelige deıingi salmaqta qola medaldardy Dıas Joldybaev pen Talǵat Orynbasar jeńip aldy.

Dastan KENJALIN,

ASTANA