Almatyda IV qysqy Jastar sport oıyndary bastaldy

Almaty qalasynda IV qysqy Jastar sport oıyndary bastaldy.

Tórt jylda bir ótetin keshendi jarystyń shymyldyǵyn shańǵymen tuǵyrdan sekirýshiler men kerlıngshiler ashty. «Suńqar» halyqaralyq shańǵy tramplınderi kesheninde 4 óńir – Almaty qalasy, ShQO, Jetisý jáne Almaty oblysynyń jas sportshylary 5 jas sanatynda jarysqa qatysyp jatyr. Búgin órender K-20, K-40 jáne K-60 tuǵyrynan sekirip, úzdikterdi anyqtady.

K-20 (20 metr bıikten), uldar:

Ibrahım Abaıdýlaev (Almaty qalasy);

Ivan Ýshakov (ShQO);

Semıon Verveıkın (Almaty qalasy);

Qyzdar:

Aısha Marat (Almaty qalasy);

Anna Gaıkalova (Almaty qalasy);

Polına Shevova (Almaty qalasy);

K-40 (40 metr tuǵyrdan), uldar:

Kereıhan Qabdýlla (Almaty qalasy);

Aleksandr Fılonenko (Almaty qalasy);

Iaromır Gılıov (Almaty qalasy);

Qyzdar:

Agata Vasıleva (Almaty qalasy);

Anastasııa Gorýnova (Almaty qalasy);

Taısııa Shıshkına (Almaty qalasy);

K-60 (60 metr bıikten), uldar:

Ilıa Mızernyh (Almaty qalasy);

Danıl Kamenkın (Almaty qalasy);

Artem Meshkov (Almaty qalasy);

Qyzdar:

Sofıa Shıshkına (Almaty qalasy);

Alıona Sverıdenko (ShQO);

Vıktorııa Rýlıova (ShQO);

Endi jasóspirimder K-90 tuǵyryndaǵy jekeleı jáne komandalyq saıyspen jarysty aıaqtaıdy.

Al kerlıng Astana men Almaty jáne 8 oblystan kelgen 300 jas sportshynyń basyn qosty. Olar 10 kún boıy eki topqa bólinip, jekeleı jáne komandalyq saıysta synǵa túsedi. Búgin 1-týrdyń oıyndary boldy.

Bıylǵy keshendi jarys kezinde 11 sport túrinen úzdikter anyqtalmaq. Olar: bıatlon, kerlıng, konkımen júgirý, short-trek, shańǵy jarystary, mánerlep syrǵanaý, frıstaıl-mogýl jáne frıstaıl-akrobatıka, shaıbaly hokkeı, shańǵymen tuǵyrdan sekirý.

Jarystan soń ár sport túrinen elimizdiń jastar qurama komandalary jasaqtalyp, aldaǵy halyqaralyq resmı jarystar men týrnırlerge, onyń ishinde 2024 jyly Ońtústik Koreıanyń Kanvondo qalasynda ótetin qysqy Jasóspirimder Olımpıadasyna baratyn sportshylar anyqtalady. Sondaı-aq, 2026 jyly Italııanyń Mılan qalasynda ótetin Olımpııa oıyndaryna daıyndalatyn sportshylar irikteledi.

Erejege engizilgen sport túrleri boıynsha Jastar oıyndarynyń jarystary shaıbaly hokkeı men kerlıngti qospaǵanda, Qazaqstan chempıonaty sheńberinde ótedi.

Oıyndardyń saltanatty ashylýy 23 aqpanda Pavlodar qalasynda saǵat 14.00-de, al jabylý rásimi 8 sáýir, saǵat 14.00-de Astana qalasynda bolady.

 

Shamken BAIYRBEK,

ALMATY

Foto: Mádenıet jáne sport mınıstrliginiń Sportty damytý dırekııasy