ماڭعىستاۋلىقتار – كيورلينگ جەڭىمپازى

قىسقى سپورت ءتۇرى كيورلينگتەن XXIII رەسپۋبليكالىق چەمپيوناتتا ارالاس كوماندالار اراسىنان ماڭعىستاۋلىقتار ءبىرىنشى ورىندى جەڭىپ الدى.

فينالعا الماتى مەن استانا قالالارىنىڭ جانە الماتى، جامبىل، شىعىس قازاقستان، قوستاناي، ماڭعىستاۋ وبلىستارىنىڭ كوماندالارى، سونداي-اق ەستۋ قابىلەتى تومەن ويىنشىلار كومانداسى مەن مۇگەدەكتەر ارباسىن پايدالانۋشىلار كومانداسى دا قاتىستى.

سايىس قورىتىندىسىندا ماڭعىستاۋلىقتار جەڭىمپاز اتاندى.

ەكىنشى ورىن استانا قالاسىنا بۇيىرىپ، ءۇشىنشى ورىنعا قوستاناي وبلىسى يە بولدى.

ودان كەيىنگى ورىنداردى شىعىس قازاقستان وبلىسنىنىڭ وكىلدەرى، قۇلاعىنىڭ مۇكىسى بار ويىنشىلار كومانداسى، قولاربالى ويىنشىلار كومانداسى، الماتى وبلىسى، الماتى قالاسى مەن جامبىل وبلىسىنىڭ جاساقتارى يەلەندى.

قازاقستان كيورلينگ فەدەراتسياسى جەڭىمپازداردى ديپلومدارمەن جانە مەدالدارمەن ماراپاتتادى.

جەڭىسكە جەتىپ، مەرەيى ۇستەم بولعان جەرلەستەرىمىزدى قىزۋ قۇتتىقتاپ، اتى-جوندەرىن قۇرمەتپەن جاريالايمىز. ولار — ومار تاۆاسيەۆ، ماكسيم ريابتسەۆ، ۇلمەكەن جۇباندىق، مارۋا شانيكوۆا، ايدانا ىزتۇرعانوۆا، اسيم بيسەن، التىن بيسەن، تاڭشولپان جۇباندىق، جاڭىلسىن جۇباندىق، باعدات اققازانوۆ، يۆان كوۆالەنكو، مادينا جۇباندىق، ەركىن وتەباەۆ، ۆاديم بارىشنيكوۆ، اندرەي سەمەنوۆ، ميحايل ۋستينوۆ.

P.S.: ماڭعىستاۋداعى مۇز ايدىنى عيماراتى قۇرىلىسىنىڭ توقتاپ تۇرعانىنا الاڭداپ، قايتا-قايتا ايتىپ، وسى سپورتشىلارىمىزدىڭ قامى ءۇشىن جالىقپاي جازىپ جۇرگەنىمىز عوي. بۇلارعا جاعداي جاسالىپ، مۇمكىندىك بەرىلسە، بۇدان دا جاقسى نايجەگە جەتەرىنە سەنەمىن.
مۇز ۇستىندەگى مۇزبالاقتارىمىزدىڭ مەسەلىن قايتارمايىق! كوتەرمەلەپ، قولداۋ كورسەتەيىك!
ماڭعىستاۋ وبلىسىنىڭ اكىمدىگى، ۇلىقبەك تناليەۆ، Aibek Imashev، جانايقايىمىزدى ەسكەرەرسىزدەر!
سپورتشىلارىمىز ورالعان سوڭ، تاعى دا تولىعىراق اقپارات تاراتارمىز.

ايبەك مۇحانوۆ، سپورت شولۋشىسى،
قازاقستان جۋرناليستەر وداعىنىڭ مۇشەسى.