رىباكينا Abu Dhabi Open ءتۋرنيرىنىڭ شيرەك فينالىنا شىقتى

قازاقستاننىڭ ءبىرىنشى، دۇنيەجۇزىنىڭ ونىنشى راكەتكاسى ەلەنا رىباكينا بىرىككەن اراب امىرلىكتەرىنىڭ استاناسى ءابۋ-دابيدە قالاسىندا باستالعان WTA 500 Mubadala Abu Dhabi Open تۋرنيرىندە جەڭىسىنە جەتتى.

قازاقستاننىڭ تەننيسشىسى چەحيالىق كارولينا پليشكوۆامەن ويناپ، ونى 6:4، 6:2 ەسەبىمەن جەڭدى.

كارولينا پليشكوۆا ءبىر كەزدەرى دۇنيەجۇزىنىڭ ءبىرىنشى راكەتكاسى بولعان. ەندى ەلەنا رىباكينا شيرەك فينالدا الەمنىڭ 14-راكەتكاسى، برازيليالىق بەاتريس حادداد مايامەن كەزدەسەدى. بەاتريس ەكىنشى اينالىمدا تاعى ءبىر قازاقستاندىق، رەيتينگتە 45-ورىنداعى يۋليا پۋتينتسەۆانى 6:4، 6:7 (5:7)، 7:6 (7:4) ەسەبىمەن ۇتىپ كەتتى.

بيىل ەلەنا رىباكينا Australian Open ءتۋرنيرىنىڭ فينالىندا وينادى. ال بىلتىر، 2022 جىلى ۋيمبلدون تۋرنيرىندە جەڭىسكە جەتتى.

داستان كەنجالين،

استانا