Dopıngpen ustalǵan Igor Sonǵa berilgen aqsha men páter qaıtarylmaıdy – mınıstrlik

WADA halyqaralyq erejelerine sáıkes, jaqsy nátıje kórsetken kásipqoı sportshylar, Olımpıada chempıondary men júldegerler júıeli túrde dopıng synaǵynan ótedi.

Mádenıet jáne sport mınıstrliginiń habarlaýynsha, 2022 jylǵy 2 naýryzda Jetisý oblysyndaǵy týrnırde Igor Sonnan dopıng-synama alynyp, ol oń nátıje bergen.

WADA standarttaryna sáıkes synamalar birneshe ret tekserildi. Sonyń nátıjesinde WADA erejeleri boıynsha sportshyny 8 jylǵa barlyq jarystan shettetý týraly sheshim qabyldandy.   Ol 2022 jyldyń 8 naýryzynan 2030 jyldyń 28 naýryzyna deıin sozylady, —  delingen habarlamada.

Sonymen qatar 2020 jyly Tokıo Olımpıadasynda alynǵan Igor Sonnyń dopıng synamasy taza bolǵandyqtan, Olımpıadanyń qola medali, sondaı-aq oǵan berilgen aqshalaı syılyq pen páter qaıtarylmaıdy.

Dastan KENJALIN,

ASTANA