«ازيا بالالارى» ويىندارى: قازاقستان ءۇش جۇلدە الدى

قىسقى سپورت تۇرلەرىنەن رەسەيدىڭ كەمەرەۆو قالاسىندا ءوتىپ جاتقان ءىى «ازيا بالالارى» ويىندارىندا قازاقستارن سپورتشىلارىنىڭ قورجىنى ءبىر التىن جۇلدەمەن، ءبىر كۇمىس جانە ءبىر قولا مەدالمەن تولىقتى. بۇل تۋرالى مادەنيەت جانە سپورت مينيسترلىگىنىڭ سپورتتى دامىتۋ ديرەكتسياسى حابارلادى.

شاڭعىمەن تۇعىردان سەكىرۋدە يليا ميزەرنىح پەن يليا شيلنيكوۆ قارسىلاس شاق كەلتىرگەن جوق.

يليا ميزەرنىح 239،3 ۇپايمەن چەمپيون اتاندى. ال يليا شيلنيكوۆ 227،3 ۇپايمەن كۇمىس جۇلدەگە يە بولدى.

سوفيا شيشكينا شاڭعىمەن تۇعىردان سەكىرۋدە  قولا جۇلدەگەرى اتاندى. ول تورەشىلەردەن 203 ۇپاي الدى.

ەندى قازاقستان قورجىنىندا 1 التىن، 2 كۇمىس، 2 قولا مەدال بار.

شامكەن بايىربەك،

استانا