دارمەن سادۋاقاسوۆ ازيا شاحمات فەدەراتسياسىنىڭ ۆيتسە-پرەزيدەنتى بولدى

بىرىككەن اراب امىرلىكتەرىنىڭ استاناسى — ءابۋ-دابي قالاسىندا ءوتىپ جاتقان ازيا شاحمات فەدەراتسياسىنىڭ (ACF) سامميتىندە بەلگىلى گروسسمەيستەر، قازاقستان شاحمات ۇيىمى پرەزيدەنتىنىڭ ءبىرىنشى ورىنباسارى دارمەن سادۋاقاسوۆ  ازيا شاحمات فەدەراتسياسىنىڭ ۆيتسە-پرەزيدەنتى بولىپ سايلاندى.

بۇگىنگى تاڭدا ACF قۇرامىنا 54 ەلدىڭ شاحمات فەدەراتسياسى كىرەدى. ونىڭ ىشىندە قازاقستان شاحمات فەدەراتسياسى دا بار.

سايلاۋدا ازيا شاحمات فەدەراتسياسىنىڭ مۇشەلەرى كەڭەسە وتىرىپ، ءبىراۋىزدان دارمەن سادۋاقاسوۆ ACF ۆيتسە-پرەزيدەنتى ەتىپ سايلادى. ازيا شاحمات ءۇيىمىنىڭ داڭا سايلانعان ۆيتسە-پرەزيدەنتىنىڭ ايتۋىنشا، سوڭعى كەزدە ەلىمىزدىڭ شاحماتشىلار وتە جاقسى ناتيجە كورسەتۋدە. قازاقستاننىڭ بالالار مەن جاسوسپىرىمدەر، قىزدار قۇراماسى وتە مىقتى. قازاقستاندا ءىرى چەمپيوناتتار وتكىزىلە باستادى.

وسى ءساتتى پايدالانا وتىرىپ، Freedom Finance Global پەن قازاقستان شاحمات فەدەراتسياسىنىڭ پرەزيدەنتى تيمۋر تۋرلوۆقا الەمدىك شاحمات تۋرنيرلەرىن ۇيىمداستىرۋ مۇمكىندىگى ءۇشىن العىس ايتامىن. بۇل ءىس-شارالار ەلىمىزدە بالالار شاحماتىنىڭ دامۋىنا ۇلكەن سەرپىن بەرىپ، زياتكەرلىك ويىندى وسكەلەڭ ۇرپاق اراسىندا كەڭىنەن ناسيحاتتاۋعا جاعداي جاسايدى، — دەدى دارمەن سادۋاقاسوۆ.

سامميتتە فەدەراتسيانىڭ ءبىرىنشى ۆيتسە-پرەزيدەنتى دارمەن سادۋاقاسوۆ ەلىمىزدە شاحماتتى دامىتۋ تۇجىرىمداماسىن تانىستىرىپ، الداعى جوسپارلارىن ايتتى. ول فورۋم اياسىندا قىتاي، ءۇندىستان، ورتالىق ازيا ەلدەرى فەدەراتسيالارىنىڭ باسشىلىعىمەن جانە شەيح سۇلتان بين حاليفا ءال ناحيانمەن كەزدەستى.

داستان كەنجالين،

استانا