Álemdik doda otyz segiz eldiń basyn qosty

Jaqynda Belarýstiń astanasy Mınsk qalasynda qazaq kúresinen ótken jetinshi álem chempıonatyna 38 eldiń palýany qatysty. Jarysta qara násildi sportshylardyń ústine tól kúresimizdiń kúrteshesin kıip, «Basta», «Toqta» degen tóreshilerdiń qazaq tilinde bergen buıryqtaryna baǵynyp, kúresip jatqan sátin kórgende keýdeńdi maqtanysh sezimi bıleıdi eken. Álem chempıonatyna qatysqan memleketterdiń kópshiliginde qazaq kúresi federaııasy jumys isteıdi. Keıbirinde endi ashylǵaly jatyr. Bul degenimiz – qazaqtyń kúresi álemge tarap jatyr degen sóz. Bıyl Ashǵabadta jabyq keshende ótken Azııa oıyndary baǵdarlamasyna kúresimiz enip, bir marqaıdyq. Kelesi jyly jazǵy Azııa oıyndaryna qazaq kúresi enip qalýy ǵajap emes. Bıyl Pan Amerıka oıyndarynan oryn alyp jatyr. 2018 jyly Búkilálemdik oıyndardan boı kórsetedi. Afrıkada jyl saıyn qazaq kúresinen chempıonat ótip turady. Aıta bersek, Dúnıejúzilik qazaq kúresi federaııasynyń atqaryp jatqan isi óte kóp.
Osy ıgi istiń basy-qasynda júrgen Islam Ábishev pen Serik Tókeev aǵalarymyzǵa, olarǵa qoldaý kórsetip júrgen tóreshiler Nurlybek Ermaǵambetov, Rafael Habırov pen basqa da azamattarǵa Allanyń nury jaýsyn degimiz keledi. Sizder barsha qazaqtyń úmitin arqalap júrgen batyr da, erjúrek jandarsyzdar! Sizderdiń qajyrly eńbekterińizdiń arqasynda tól kúresimiz túrlenip kele jatyr. Bizdiń sózimizge senbeıtin nemese sengisi kelmeıtinder Mınskige kelgen elder tizimin taǵy bir sholyp shyqsa, Dúnıejúzilik qazaq kúresi federaııasynyń durys baǵytpen kele jatqanyna kózderi anyq jetedi. Alǵa Qazaq eli! Sharyqta qazaq kúresi!

Tómende oqyrmannyń nazaryna Belarýstiń astanasy Mınsk qalasynda qazaq kúresinen ótken  álem chempıonatyna qatysqan elderdi usynyp otyrmyz.

1.Ázerbaıjan
2. Armenııa
3. Botsvana
4. Brazılııa
5. Bolgarııa
6. Qytaı
7. Estonııa
8. Germanııa
9. Grekııa
10. Úndistan
11. Indonezııa
12. Irak
13. Izraıl
14. Iordanııa
15. Qazaqstan
16. Qyrǵyzstan
17. Latvııa
18. Lıtva
19. Lıvan
20. Moldova
21. Mońǵolııa
22. Nıderlandy
23. Fılıppın
24. Polsha
25. Zambııa
26. Zımbabve
27. Reseı
28. Serbııa
29. Slovakııa
30. Shrı-Lanka
31. Ońtústik Afrıka
32. Taıland
33. Tájikstan
34. Túrkııa
35. Túrikmenstan
36. Ýkraına
37. О́zbekstan
38. Belarýs

Musaǵalı TASQALIEV