Qazaq jýrnalısi Tokıo marafonyna qatysty

Jýrnalıst ári kásipker Erenǵaıyp Qýataıuly Japonııanyń astanasy – Tokıo qalasynda ótken marafonǵa qatysty.

Ol marafonda márege 2 saǵat 54 mınýt, 25 sekýndtta jetti. Orta tempi 4:05 boldy. Al marafonnyń ózi 42.2 shaqyrymǵa sozyldy. Erenǵaıyp Qýataıulynyń aıtýynsha, Japonııadaǵy júgirý jarysyna ol ókshe jaraqaty endi jazyla bastaǵanda qatysqan. Bul jaraqatty Chıkago marafonynda alǵan. Sóıtip, eki aı daıyndalyp, dárigerdiń ruqsatymen jarysqa qatysýǵa bel býǵan.

Qazan aıynda Chıkago marafonynan keıin sol jaq ókshe aýyra bastady. Jeltoqsannyń basynda MRT nátıjesine qaraǵan doktor «Sizge júgirýge bolmaıdy, ókshe súıekte jaryqshaq bar» degende aspan tóńkerilip jerge túskendeı boldy.

Edel-jedel eki aılyq em-domnan keıin dáriger júgirýge ruqsat berdi. Onyń ózinde bir aı qatty júgirip ókshege salmaq salmaýdy eskertti. Eki-aq aı qalǵan Tokıo marafon bolsa kún saıyn jaqyn. Aqpannan bastap kúnine eki ret júgirip daıyndalýǵa týra keldi.

Ýaqyt az. Mundaı daıyndyqpen jaqsy nátıjege jetý neǵaıbyl. Marafon júgirý úshin kem degende 4 aı úzdiksiz daıyndalý kerek.

Sonymen Tokıoda Chıkago 2:51:10 nátıjesin jańartý degen áýelgi maqsat ózgerdi. Tek sub 3 jasaý, ıakı 3 saǵatqa toltyrmaı fınıshke jetý kózdeldi. Solaı da boldy.

Jaraqaty endi jazylyp kele jatqan óksheden qorǵalap marafonnyń alǵashqy jartysyn (21.1km) alyp-ushpaı baıaý júgirdim.

2:54:25 ýaqytymen márege jettim. Orta temp 4:05, — dedi Erenǵaıyp Qýataıuly.

Bul — onyń úshinshi meıjor marafony. Endi ol 3 meıjorge júgirýdi josparlap otyr. Onyń aıtýynsha, Tokıoda alty birdeı qazaqstandyq altynshy meıjoryn júgirip qýanyshqa keneldi. Osy kúnge deıin elimizde áli eshkim álemdegi alty aıyryqsha marafon júgirgen joq. Olar Tokıony birneshe jyl kútip, maqsattaryna keshe jetti. Endi Qazaqstanda alty meıjor (Boston, Chıkago, Nıý-Iork, Berlın, London, Tokıo) júgirgen alty adam bar.

Dastan KENJALIN,

ASTANA