SportPress.kz Qazaqstan sport jańalyqtary
Fýtzaldan Qazaqstan quramasy álem chempıonatynyń ekinshi irikteý týrnıriniń besinshi tobynda Slovenııa komandasymen kezdesip, jarystyń elıtalyq satysyna joldama aldy.
Kezdesý 3:3 esebimen aıaqtaldy. Matchta Altert Aqbalyqov, Dáýren Tursaǵulov pen Taınan gol saldy. Sóıtip, Qazaqstan 10 upaı jınap, birinshi orynmen aıaqtady.
Qazaqstan ekinshi irikteý synyndaǵy alǵashqy oıynyn Slovenııa quramasymen ótkizgen bolatyn. Bul kezdesýde otandastarymyz qarsylastaryn 2:0 esebimen jeńgen. Odan keıin el quramasy Chernogorııany 7:0, 5:1 esebimen utty.
El quramasy álem chempıonatynyń fınaldyq satysynda 2000, 2016, 2021 jyldary oınaǵan. 2021 jyly tórtinshi oryndy ıelengen bolatyn.
2024 jylǵy álem chempıonaty ótetin el ázirshe anyqtalǵan joq. Ol kelesi jyldyń qyrkúıek-qazan aralyǵynda ótkiziledi dep josparlanyp otyr.
Dastan KENJALIN,
ASTANA
