Qazaqstanda jańa fýtbol lıgasy quryldy

Elimizde jasóspirimder úshin jańa QJ League quryldy, dep habarlady Halyq Uni tilshisi.

Týrnırdiń birinshi maýsymyna 18 jasqa deıingi 12 komanda qatysady:

«Astana»;

«Jas Qyran» (Almaty);

«Qaırat» (Almaty);

«Ońtústik» (Shymkent);

«Ordabasy» (Shymkent);

«Aqsý» (Pavlodar oblysy);

«Aqtóbe»;

«Atyraý»;

«Qaısar» (Qyzylorda);

«Kaspıı» (Aqtaý);

«Taraz»;

«Shahter» (Qaraǵandy).

QJ League-te 2023 jylǵy maýsymda matchtar apta saıyn («úıde-syrtta» formatynda, barlyǵy 132 match) ótkiziledi. Bul fýtbolshylarǵa kásibı fýtbol talaptaryna beıimdelýge múmkindik beredi.

Jańa lıganyń maqsaty – ulttyq quramaǵa sapaly rezerv daıyndaý. Bul – strategııamyzdyń bir bóligi bolyp sanalatyn balalar fýtbolyn damytýǵa múmkindik beretin negizgi joba. Osy lıga arqyly biz daryndy balalardy daıyndaıtyn jarys júıesin quramyz. Osylaısha, jastarǵa kásibı fýtboldaǵy alǵashqy qadamyn jasaýǵa múmkindik beremiz, — dedi QFF prezıdenti Ádilet Barmenqulov.

QKFL jáne QJ League prezıdenti Rohýs Shoh jańa lıga talantty jas fýtbolshylar rezervin qurýǵa múmkindik beretinin atap ótti.

Balalar fýtbolynyń damýyna júıeli túrde qaraý kerek. Áıtpese, oń nátıjege jetý qıyn. QJ League-ny Qazaqstan fýtboldaǵy revolıýııa ispetti. Jastarymyz 100% kásibı deńgeıde uıymdastyrylatyn týrnırge qatysady. Mundaǵy oıyndar Qazaqstan premer-lıgasynyń deńgeıinde ótedi. Osylaısha, daryndy, jas fýtbolshylardyń rezervin quramyz, — dedi ol.

QJ League aıasyndaǵy alǵashqy match 22 sáýirde saǵat 17:00-de «Astana Arena» stadıonynda bolady.

Dáýren ERBOLAT,

ASTANA