Qazaqstan quramasy óz alańynda Slovenııadan utylyp qaldy

Astanada fýtboldan Qazaqstannyń ulttyq quramasy 2024 jyly ótetin Eýropa chempıonaty irikteý týrnıriniń birinshi matchyn Slovenııa komandasymen ótkizip, 1:2 esebimen utylyp qaldy.

Kezdesýde alǵashqy bolyp alań ıeleri gol saldy. Oıynnyń 24-mınýtta qaptaldan alǵa shyqqan Abat Aıymbetov dopty Vorogovskııge asyrdy. Al Ian Vorogovskıı odan ári qonaqtardyń aıyp alańyna qaraı komandalastaryna pas berdi. Dopqa birinshi bolyp Maksım Samorodov jetip, baspen qaqpaǵa soqty. Odan keıin ekinshi taımnyń basynda alań ıeleri basymdyqtan aıyrylyp qaldy. Osy múmkindikti 47-mınýtynda slovender sátti paıdalandy. Qonaqtar sapyndaǵy Davıd Brekalo buryshtamadan berilgen dopty Shakıh qorǵaǵan qaqpaǵa baspen uryp, esepti teńestirdi.

Ekinshi taımnyń ortasynda Baýyrjan Islamhan men Bahtıer Zaınýtdınov alańǵa shyǵyp, qurama oınyshylaryna kómektesýge tyrysty. Alaıda olar alańdaǵy oıyndy kúsheıtýge kóp úles qosa almady ( Kezdesýden keıin bas jattyqtyrýshy Magomed Adıev ekeýin de alańǵa erterek shyǵarý kerek edi, biraq Zaınýtdınovtyń shamasy jarty saǵatqa ǵana jetedi dep aıtty, — red.). Osylaısha esep teń bolyp turǵanda Slovenııa quramasy 78-mınýtta taǵy bir gol salyp, alǵa shyǵyp ketti. Goldyń avtory Jan Vıpotnık boldy.

Qazaqstan quramasy osylaısha Eýropa chempıonatyndaǵy irikteý matchyn jeńilispen bastady. H tobyndaǵy basqa oıyndarda Danııa Fınlıandııany 3:1 esebimen jeńse, San-Marıno da óz alańynda Soltústik Irlandııadan 0:2 esebimen utylyp qaldy.

Endi 26 naýryzda el quramasy óz alańynda Danııa komandasymen kezdesedi.

Komandalar myna quramda alańǵa shyqty.

Qazaqstan – Slovenııa – 1:2

Goldar: Maksım Samorodov, 24 (1:0). Davıd Brekalo, 47 (1:1).Zan Vıpotnık. 78 (1:2).

Eskertý: Marat Bystrov 55, Ramazan Orazov 66 – Petar Stoıanovıch 45+1

Qazaqstan: Igor Shakıı (Q), Ian Vorogovskıı, Sergeı Malyı, Marat Bystrov (Temirlan Erlanov, 79), Aleksandr Marochkın, Mıhaıl Gabyshev (Baǵdat Qaıyrov, 68) – Ashat Taǵybergen (K), Aslan Darabaev (Abzal Beısebekov, 79), Ramazan Orazov, Maksım Samorodov (Baýyrjan Islamhanǵ 62) – Abat Aıymbetov (Baktıer Zaınýtdınov, 62).

Rezerv: Stas Pokatılov (q), Bekhan Shaızada (q), Lev Skvorov, Tımýr Dosmaǵambetov, Arman Keńesov, Vladıslav Prokopenko, Abylaıhan Jumabek.

Bas jattyqtyrýshy: Magomed Adıev.

Slovenııa: Ian Oblak (Q) – Iýre Balkove (Mıha Zaı 46), Iaka Bııol, Mıha Blajıch (Davıd Brekalo, 5), Jan Karnıchnık – Benıamın Verbıch (Sandı Lovrıch, 70), Ion Goren – Stankovıch, Adam Gnezda, Petar Stoıanovıch – Benıamın Sheshko, Jan elar (Zan Vıpotnık, 70).

 

Rezerv: Vıd Bele (q), Matevj Vıdovshek (q), Vanıa Drkýshıch, Jan Zaletel, Tomı Horvat, Andres Vombergar, Lýka Zahovıch, Tımı Elshnık;

Bas jattyqtyrýshy: Matıaj Kek.

Tóreshiler: Glenn Nıýberg, Mahbod Beıdjı, Andreas Sederkvıst (barlyǵy – Shveııa).

VAR tóreshileri: Fedaıı San, Lıonel Chýdı (ekeýi de – Shveıarııa).

23.03.2023. «Astana Arena», Astana, 27 122 jankúıer. 

 

 

Dastan KENJALIN,

ASTANA