О́zbekstan quramasy alǵash ret Ońtústik Amerıkanyń komandasyn utty

Fýtboldan О́zbekstannyń ulttyq quramasy Saýd Arabııasynda ótkizip jatqan oqý-jattyǵý jıyny kezinde Bolıvııa komandasymen joldastyq kezdesý ótkizip, qarsylastaryn 1:0 esebimen utty. Bul týraly uza.uz habarlady.

Matchta komanda kapıtany Eldor Shamýrodov 36-mınýtta jalǵyz goldyń avtory atandy. Ol ulttyq qurama sapyndaǵy goldar sanyn 34-ke jetkizip, Maksım Shakıhtiń rekordyn qaıtalady.

Endi Srechko Katanetiń shákirtteri 28 naýryzda Ońtústik Amerıkanyń taǵy bir ókili – Venesýelaǵa qarsy kezdesý ótkizedi.

Matchta О́zbekstan fýtbolshylary dopqa 36 paıyz, al Bolıvııa 56 paıyz ıelik etti.  О́zbekter qaqpaǵa qaraı 3 ret soqqy jasap, sonyń bireýin torǵa týlatty.

Buǵan deıin О́zbekstan quramasy Tashkentte elimizdiń bas komandasymen joldastyq kezdesý ótkizip, 2:0 esebimen jeńiske jetken bolatyn. Al О́zbekstannyń jastar quramasy (U20) 19 naýryzda Azııa chempıonatynyń fınalynda Irak komandasyn 1:0 esebimen jeńip, qurlyq chempıony atanǵan edi.

Dastan KENJALIN,

ASTANA