سەنساتسيا! قازاقستان دانيا قۇراماسىن جەڭدى (ۆيدەو)

بۇگىن فۋتبولدان 2024 جىلى وتەتىن ەۋروپا چەمپيوناتىنىڭ ىرىكتەۋ تۋرنيرىنە قاتىسىپ جاتقان قازاقستان قۇراماسى ءوز الاڭىندا دانيامەن كەزدەستى.

قازاقستان قۇراماسى ىرىكتەۋ ساتىسىندا H توبىندا دانيا، سلوۆەنيا، فينليانديا، سولتۇستىك يرلانديا جانە سان-مارينو كوماندالارىمەن بىرگە قاتىسىپ جاتىر.

بۇگىن ۇلتتىق قۇراما تاريحي جەعڭىسكە جەتتى. ەلىمىزدىڭ باس كومانداسى  0:2 ەسەبىمەن جەڭىلىپ جاتىپ، كامبەك جاساپ، قارسىلاستارىن 3:2 ەسەبىمەن ءۇتتى. مۇنداي وقيعا ەل فۋتبولىندا بۇرىن-سوڭدى بولعان جوق.

كەزدەسۋدىڭ ءبىرىنشى تايمىندا  دانيالىق فۋتبولشىلاردىڭ باسىمدىعى كورىنگەن ەدى. ولار ءبىرىنشى تايمدا شاتسكيح قورعاعان قاقپاعا ەكى دوپ سوعىپ، جەڭىسكە جەتۋگە از عانا قالعان بولاتىن. راسمۋس حيويلۋنن 21، 36-مينۋتتا ءدۋبلدىڭ اۆتورى اتاندى.

الايدا، ماتچتىڭ ەكىنشى تايمىندا وتانداستارىمىز وينىدى قولعا الىپ، ءۇش بىردەي گول سوعىپ، بارلىق جانكۇيەردى تاڭ-تاماشا ەتتى. ويىننىڭ 73-مينۋتىندا دانيالىق فۋتبولشىلار ءوزىنىڭ ايىپ الاڭىندا ەرەجە بۇزدى. الاڭ يەلەرى وسى مۇمكىندىكتى ءساتتى پايدالاندى. قاقپاعا بەلگىلەنگەن پەنالتيدەن باحتيەر زاينۋتدينوۆ ءمۇلت كەتكەن جوق. ال، 86-مينۋتتا اسحات تاعىبەرگەن دوپتى الىستان شىرەنە تەۋىپ، ەسەپتى تەڭەستىردى.  بۇل – ونىڭ ۇلتتىق ششۇراما ساپىنداعى العاشقى گولى بولدى. ول قازىرگە دەيىن 43 ويىن ويناعان.  ماتچتىڭ 89-مينۋتتا اۋەلەپ كەلگەن دوپتى ابات ايىمبەتوۆ باسپەن قاقپاعا قادادى.

وسىلايشا، قازاقستان قارسىلاسىنان 3:2 ەسەبىمەن باسىم ءتۇستى. ەكى كوماندا بۇعان دەيىن ءتورت مارتە كەزدەسكەن بولاتىن. ونىڭ بارلىعىندا دانيالىق فۋتبولشىلار جەڭىسكە جەتكەن ەدى. بۇل جولى قازاقستان قۇراما تاريحي جەڭىسكە جەتىپ، سول كەتكەن ەسەنى كامبەكپەن قايتاردى.

ەندى قازاقستان كومانداسى 16 ماۋسىمدا سىرت الاڭدا سان-مارينومەن كەزدەسەدى. ودان كەيىن 19 ماۋسىمدا سولتۇستىك يرلانديامەن جاسىل الاڭعا شىعادى.

قازاقستان – دانيا – 3:2 (0:2)

گولدار: زاينۋتدينوۆ 73 (پەنالتي)، تاعىبەرگەن 86، ايىمبەتوۆ 89 — حويلۋند 21، 36

ەسكەرتۋلەر: ايىمبەتوۆ 89، شاتسكي 90+2، داراباەۆ 90+3 — حويلۋند 90+3

قىزىل قاعاز: ايىمبەتوۆ 90+6 (ەكىنشى ەسكەرتۋ)

قازاقستان: شاتسكي (ق)، ۆوروگوۆسكي، ءالىپ، مالىي (ەرلانوۆ 46)، ماروچكين، گابىشەۆ (سكۆورتسوۆ 34)، تاعىبەرگەن (ك)، بەيسەبەكوۆ (داراباەۆ 83)، زاينۋتدينوۆ (يسلامحان 79)، ورازوۆ، سامورودوۆ (ايىمبەتوۆ 78);

قوسالقى قۇرام: پوكاتيلوۆ (ق)، شايزادا (ق)، ەرلانوۆ، قايىروۆ، سكۆورتسوۆ، دوسماعامبەتوۆ، يسلامحان، داراباەۆ، كەڭەسوۆ، پروكوپەنكو، جۇمابەك، ايىمبەتوۆ;

باس جاتتىقتىرۋشى: ماگومەد اديەۆ;

دانيا: شمەيحەل (ق)، مەحلە (كريستەنسەن 83)، نەلسسون، كەر (ك)، با (لارسەن 65)، يەنسەن (بيللينگ 65)، نيورگور، حەيبەرگ، ۆيند (برەيتۋەرت 87)، حويلۋند، دامسگارد (دارامي 65);

قوسالقى قۇرام: روننوۆ (ق)، حەرمانسەن (ق)، زانكا، يەلەرت، كريستەنسەن، بيللينگ، درەيەر، لارسەن، حيۋلمانن، برەيتۋەرت، دارامي، ينگۆارتسەن;

باس جاتتىقتىرۋشى: كاسپەر يۋلمانن.

تورەشىلەر: نوۆاك سيموۆيچ، نيكولا دجوروۆيچ، ميلوش سيموۆيچ (بارلىعى – سەربيا)

VAR تورەشىلەرى: مومچيلو ماركوۆيچ، ەلەنا تسۆەتكوۆيچ (ەكەۋى دە – سەربيا).

26.03.2023. «استانا ارەنا»، استانا. 28 600 جانكۇيەر.

 

 

داستان كەنجالين،

استانا

فوتو: تيمۋر قازانعاپوۆ

 

 

View this post on Instagram

 

A post shared by KazFootball.kz (@kazfootballkz)