Sensaııa! Qazaqstan Danııa quramasyn jeńdi (VIDEO)

Búgin fýtboldan 2024 jyly ótetin Eýropa chempıonatynyń irikteý týrnırine qatysyp jatqan Qazaqstan quramasy óz alańynda Danııamen kezdesti.

Qazaqstan quramasy irikteý satysynda H tobynda Danııa, Slovenııa, Fınlıandııa, Soltústik Irlandııa jáne San-Marıno komandalarymen birge qatysyp jatyr.

Búgin ulttyq qurama tarıhı jeǵńiske jetti. Elimizdiń bas komandasy  0:2 esebimen jeńilip jatyp, kambek jasap, qarsylastaryn 3:2 esebimen utti. Mundaı oqıǵa el fýtbolynda buryn-sońdy bolǵan joq.

Kezdesýdiń birinshi taımynda  danııalyq fýtbolshylardyń basymdyǵy kóringen edi. Olar birinshi taımda Shakıh qorǵaǵan qaqpaǵa eki dop soǵyp, jeńiske jetýge az ǵana qalǵan bolatyn. Rasmýs Hıoılýnn 21, 36-mınýtta dýbldiń avtory atandy.

Alaıda, matchtyń ekinshi taımynda otandastarymyz oınydy qolǵa alyp, úsh birdeı gol soǵyp, barlyq jankúıerdi tań-tamasha etti. Oıynnyń 73-mınýtynda danııalyq fýtbolshylar óziniń aıyp alańynda ereje buzdy. Alań ıeleri osy múmkindikti sátti paıdalandy. Qaqpaǵa belgilengen penaltıden Bahtıer Zaınýtdınov múlt ketken joq. Al, 86-mınýtta Ashat Taǵybergen dopty alystan shirene teýip, esepti teńestirdi.  Bul – onyń ulttyq щurama sapyndaǵy alǵashqy goly boldy. Ol qazirge deıin 43 oıyn oınaǵan.  Matchtyń 89-mınýtta áýelep kelgen dopty Abat Aıymbetov baspen qaqpaǵa qadady.

Osylaısha, Qazaqstan qarsylasynan 3:2 esebimen basym tústi. Eki komanda buǵan deıin tórt márte kezdesken bolatyn. Onyń barlyǵynda danııalyq fýtbolshylar jeńiske jetken edi. Bul joly Qazaqstan qurama tarıhı jeńiske jetip, sol ketken eseni kambekpen qaıtardy.

Endi Qazaqstan komandasy 16 maýsymda syrt alańda San-Marınomen kezdesedi. Odan keıin 19 maýsymda Soltústik Irlandııamen jasyl alańǵa shyǵady.

Qazaqstan – Danııa – 3:2 (0:2)

Goldar: Zaınýtdınov 73 (penaltı), Taǵybergen 86, Aıymbetov 89 — Hoılýnd 21, 36

Eskertýler: Aıymbetov 89, Shakıı 90+2, Darabaev 90+3 — Hoılýnd 90+3

Qyzyl qaǵaz: Aıymbetov 90+6 (ekinshi eskertý)

Qazaqstan: Shakıı (q), Vorogovskıı, Álip, Malyı (Erlanov 46), Marochkın, Gabyshev (Skvorov 34), Taǵybergen (k), Beısebekov (Darabaev 83), Zaınýtdınov (Islamhan 79), Orazov, Samorodov (Aıymbetov 78);

Qosalqy quram: Pokatılov (q), Shaızada (q), Erlanov, Qaıyrov, Skvorov, Dosmaǵambetov, Islamhan, Darabaev, Keńesov, Prokopenko, Jumabek, Aıymbetov;

Bas jattyqtyrýshy: Magomed Adıev;

Danııa: Shmeıhel (q), Mehle (Krıstensen 83), Nelsson, Ker (k), Ba (Larsen 65), Iensen (Bıllıng 65), Nıorgor, Heıberg, Vınd (Breıtýert 87), Hoılýnd, Damsgard (Daramı 65);

Qosalqy quram: Ronnov (q), Hermansen (q), Zanka, Ielert, Krıstensen, Bıllıng, Dreıer, Larsen, Hıýlmann, Breıtýert, Daramı, Ingvartsen;

Bas jattyqtyrýshy: Kasper Iýlmann.

Tóreshiler: Novak Sımovıch, Nıkola Djorovıch, Mılosh Sımovıch (barlyǵy – Serbııa)

VAR tóreshileri: Momchılo Markovıch, Elena vetkovıch (ekeýi de – Serbııa).

26.03.2023. «Astana Arena», Astana. 28 600 jankúıer.

 

 

Dastan KENJALIN,

ASTANA

FOTO: Tımýr QAZANǴAPOV

 

 

View this post on Instagram

 

A post shared by KazFootball.kz (@kazfootballkz)