حوك شتاب-پاتەرى الدىندا رەسەيگە قارسى نارازىلىق اكتسياسى ءوتتى

شۆەيتساريانىڭ لوزاننا قالاسىندا حالىقارالىق وليمپيالىق كوميتەتتىڭ(حوك) الدىندا نارازىلىق اكتسياسى ءوتتى.

نارازىلىققا قاتىسۋشىلار ۇيىمدى رەسەيلىك جانە بەلارۋس سپورتشىلارىنىڭ 2024 جىلى پاريجدە (فرانتسيا) وتەتىن وليمپيالىق ويىندارعا جانە باسقا دا حالىقارالىق جارىستارعا قاتىستىرۋدى تالاپ ەتتى.

شەرۋشىلەر «رەسەيسىز وليمپيالىق ويىندارى» دەگەن ۇرانمەن پلاكاتتارمەن حوك شتاب-پاتەرىنە دەيىن 3،5 شاقىرىم ءجۇرىپ، حوك دەمەۋشىلەرىن ۇيىمعا قىسىم كورسەتۋ ءۇشىن ءوز قىزمەتتەرىن پايدالانۋعا شاقىرعان.

اكتسيانى شۆەيتسارياداعى ەرىكتىلەر مەن ءتۇرلى كوممەرتسيالىق ەمەس ۇيىمدار ۇيىمداستىرعان.

حوك باسشىسى توماس باحتىڭ ايتۋىنشا، حالىقارالىق وليمپيالىق كوميتەت رەسەيلىك جانە بەلارۋس سپورتشىلارىنا حالىقارالىق جارىستارعا بەيتاراپ تۋمەن قاتىسۋعا رۇقسات بەرۋدى ۇسىنعان. بۇل ۇسىنىستار 2024 جىلعى پاريج وليمپياداسىنا قولدانىلمايدى.

داستان كەنجالين،

استانا