Shavkat Rahmonov pen Hamzat Chımaev jelide daýlasyp qaldy

UFC-diń faıterleri Shavkat Rahmonov pen Hamzat Chımaev Instagram áleýmettik jelisinde bir-birin keketip, sózge kelip qaldy. Onyń sońy daýǵa ulasty.

Áýeli Rahmonov paraqshasynda qasqyr terisiniń ústinde otyryp túsken fotosýretin jarııalap, «Bireýler ózin qasqyrmyn dese… Qasqyrlar mine, ózderińiz kórip otyrǵandaryńyzdaı bizdiń aıaǵymyzdyń astymyzda» dep belgili UFC-diń faıteri, Shveııada turatyn ulty sheshen Hamzat Chıvaevqa qatysty jazba qaldyrdy. Buǵan ózin «Borz» dep ataıtyn faıter jaýap retinde sýret jarııalady. «Borz» sheshen tilinde «qasqyr» dep aýdarylady.

О́mir boıy shıbóri bolyp júrgenge qaraǵanda, ózin qasqyr dep sanaý úlken abyroı, – dep jazdy Chımaev.

Keıin Shavkat Rahmonov jazbasyn óshirip tastady. Onyń jazbasy 137 myń laık jınady. Biraq fotosýretin ádeıi qaldyrdy. Al Chımaev kóp uzamaı et jep jatqan qasqyrdyń vıdeosyn jarııalady.

Osydan keıin  faıterlerdiń jazbalaryn olardyń jankúıerleri de qoldap ketti. Bul daýdy odan saıyn ýshyqtyryp jiberdi. Sonyń ishinde Rahmonovtyń jattyqtyrýshysy Saıd Saparov ta pikir qaldyrdy.

Bireýler ózderin «qasqyrmyz» deıdi. Al bireýler sol «qasqyrlarǵa» ańǵa shyǵady, — dep jazdy ol.

Keıbiri muny Rahmonov pen Chımaev arasyndaǵy jekpe-jek aldyndaǵy tresh-tok dep atady.

Qazir UFC-diń dıvızıonynda Chımaev úshinshi orynda tursa, Rahmonov altynshy orynǵa ornalasqan. Sheshen faıteri 12 ret jeńiske jetse, qazaq faıteri 17 ret qarsylasyn utqan. Ekeýi de áli birde-bir ret jeńilgen joq.

 

Dastan KENJALIN,

ASTANA