ءبيبىسارا اساۋباەۆا گران-پريدە ءبىرىنشى ورىندا كەلەدى

شاحماتتان الەمنىڭ ەكى دۇركىن چەمپيونى ءبيبىسارا اساۋباەۆا ءۇندىستاننىڭ دەلي قالاسىندا ءوتىپ جاتقان گران-ءپريدىڭ سەگىزىنشى تۋرىنان كەيىن 1-ورنىن ساقتاپ قالدى. جارىستىڭ كەلەسى كۇنى ءبيبىسارا اساۋباەۆا ءتۋرنيردىڭ باستى فاۆوريتتەرىنىڭ ءبىرى – قىتايلىق چجۋ تسزينەرمەن تەڭ وينادى.  

وسى تەڭ ويىن اساۋباەۆاعا گران-ءپريدىڭ ءۇشىنشى كەزەڭىنەن كەيىن ءبىرىنشى ورنىن ساقتاپ قالۋعا مۇمكىندىك بەردى. قازىر شاحماتشىدا 5 ۇپاي بار: ول 4 رەت جەڭىپ، ەكى رەت تەڭ ويناپ، ءبىر رەت جەڭىلگەن. ودان كەيىن چجۋ تسزينەر (4،5)، رەسەيلىك الەكساندرا گورياچكينا مەن كاتەرينا لاگنو كەلەدى. سوڭعى ەكەۋىندە دە 4 ۇپاي بار.

بۇگىن ءبيبىسارا اساۋباەۆا راپيدتەن 2017 جىلعى الەم چەمپيونى، گرۋزيالىق نانا دزاگنيدزەمەن كەزدەسەدى. قازىر گرۋزيانىڭ وكىلى 8-ورىندا تۇر. ءۇندىستاندا ءوتىپ جاتقان گران-ءپريدىڭ 3-كەزەڭى 5 ساۋىردە اياقتالادى.

داستان كەنجالين،

استانا