Bıbisara Asaýbaeva Gran-prıde birinshi orynda keledi

Shahmattan álemniń eki dúrkin chempıony Bıbisara Asaýbaeva Úndistannyń Delı qalasynda ótip jatqan Gran-prıdiń segizinshi týrynan keıin 1-ornyn saqtap qaldy. Jarystyń kelesi kúni Bıbisara Asaýbaeva týrnırdiń basty favorıtteriniń biri – qytaılyq Chjý zınermen teń oınady.  

Osy teń oıyn Asaýbaevaǵa Gran-prıdiń úshinshi kezeńinen keıin birinshi ornyn saqtap qalýǵa múmkindik berdi. Qazir shahmatshyda 5 upaı bar: Ol 4 ret jeńip, eki ret teń oınap, bir ret jeńilgen. Odan keıin Chjý zıner (4,5), reseılik Aleksandra Gorıachkına men Katerına Lagno keledi. Sońǵy ekeýinde de 4 upaı bar.

Búgin Bıbisara Asaýbaeva rapıdten 2017 jylǵy álem chempıony, grýzııalyq Nana Dzagnıdzemen kezdesedi. Qazir Grýzııanyń ókili 8-orynda tur. Úndistanda ótip jatqan Gran-prıdiń 3-kezeńi 5 sáýirde aıaqtalady.

Dastan KENJALIN,

ASTANA