SportPress.kz Qazaqstan sport jańalyqtary
Astanada tennısten Bıllı Djın Kıng Kýbogy (Billie Jean King Cup) úshin irikteý kezeńine qatysatyn Qazaqstan men Polsha komandalarynyń matchy aldynda jerebe tartylyp, odan keıin qos el quramalarynyń qatysýymen brıfıng ótti. Oǵan Qazaqstan tennıs federaııasynyń prezıdenti Bolat О́temuratov pen eki eldiń tennısshileri qatysty.
Jerebe tartý rásiminde belgili bolǵandaı, erteń bolatyn jekeleı kezdesýde Iýlııa Pýtıneva Magda Lınettemen, Elena Rybakına Veronıka Falkovskamen kúsh synasady. Kelesi kúni tennısshiler qarsylastarymen almasady. Odan keıin juptyq synda Anna Danılına men Gózal Aınıtdınova Veronıka Falkovska men Alıııa Rosolskaıamen oınaıtyn bolady. Osy matchta Qazaqstan jeńiske jetken jaǵdaıda óz tarıhynda ekinshi ret álem chempıonatynyń fınaldyq kezeńine shyǵady.
Baspasóz máslıhatynda Polsha quramasynyń ókilderi Qazaqstannyń óte qıyn qarsylas bolatynyn, onyń quramynda tájirıbeli de óte qolaısyz qarsylastardyń bar ekenin aıtty.
Qazaqstannyń sapynda Ýımbldon-2022 týrnıriniń chempıony Elena Rybakına, topyraq tósenishinde tamasha oınaıtyn Iýlııa Pýtıneva bar. Oǵan juptyq synnyń sheberi, Australian Open týrnıriniń fınalısi Anna Danılınany da qosýǵa bolady.
Qazaqstan óz alańynda oınaıtyndyqtan, basymdyqqa ıe. Biraq biz osy matchqa oıdaǵydaı daıyndalyp, jeńis úshin barymyzdy salamyz, — dedi Polsha komandasynyń lıderi Magda Lınett.
Osydan keıin Qazaqstan quramasy BAQ ókilderiniń suraqtaryna jaýap berip, aldaǵy oıyn týraly oılaryn aıtty. Kezdesýde osy matchqa qatysýǵa shetelden kelgen Qazaqstannyń jekelegen syndaǵy birinshi jáne álemniń jetinshi raketkasy Elena Rybakına da boldy. Ol seısenbi kúni elge kelgen bette komandalastarymen birge Beeline Arena Ulttyq tennıs ortalyǵynda topyraq tósenishindegi kortta aldaǵy básekege daıyndyqty bastap ketken bolatyn.
Jıynda Qazaqstan quramasynyń kapıtany Iaroslava Shvedova men Elena Rybakına, komandanyń basqa da músheleri Polshamen oıynǵa daıyndyqtyń tıisti deńgeıde bolǵanyn, 14-15 sáýirde ulttyq qurama qarsylastaryn jeńý úshin baryn salyp óner kórsetetinin atap ótti.
14 sáýirde jekeleı synda eki oıyn ótse, 15-inde eki jekeleı, bir juptyq kezdesý josparlanǵan. Biz úıde oınaımyz. Jankúıerlerdiń qoldaýyn kútemiz. Bul kezdesýler Qazaqstan quramasyna ońaı bolmaıdy, – dedi Iaroslava Shvedova.
Onyń aıtýynsha, Polsha – komandalyq oıynda jaqsy oıyn órnegin kórsetetin qurama. Sondyqtan komandaǵa qarsylasyn qalpaqpen uryp alamyz dep bosańsyp oınaýdyń qajeti joq. Olar matchqa tyńǵylyqty daıyndalǵan. Sonda da qatelik jibermeı oınaýy kerek.
Al Rybakına búgin prezıdentpen kezdesýdiń óte jaqsy ótkenin, memleket basshysy oǵan saǵat pen oramal bergenin, buǵan deıin qatysqan týrnırlerde eldiń namysy úshin qolynan kelgen jaǵdaıdyń bárin jasaǵanyn, osy joly da aıanyp qalmaıtynyn aıtty.
Qazir álemde myqty tennısshiler kóp. Barlyq elder sportshylaryna laıyqty jaǵdaı jasap keledi. Bizdiń elde de qolyna raketka ustaǵan azamattarǵa tennıspen oınaýǵa, jarystarǵa qatysýǵa tıisti deńgeıde qoldaý kórsetilip jatyr. Meni otbasym da únemi qoldap keledi. Árıne, jeńispen birge jeńilis te qatar júredi. Buryn utylyp qalǵanda tennısti tastap ketemin degen de oılar bolǵan. Alaıda týrnırdiń fınalyna shyqqanda alǵa maqsat qoıyp, kúsh-qýat alyp, jarysty jalǵasyra beremin. Polshamen oıynǵa kelsem, bul matchtyń qyzyqty jáne tartysty bolatyny sózsiz. Qarsylastarymyz osal sportshylar emes. Olar shama kelse, jeńis úshin oınaýǵa tyrysady. Biraq bizdiń qyzdar olarǵa múmkindik bermeıdi dep oılaımyn. О́zim oıynǵa jaqsy daıyndaldym, — dedi ol.
Elena Rybakına Áıelder tennısi qaýymdastyǵynyń (WTA) jańartylǵan reıtınginde burynǵysha tizimdegi jetinshi ornyn saqtap qaldy. Al WTA chempıondyq kestesinde ol ekinshi satyda tur. Sondaı-aq Polshamen matchqa qatysatyn Iýlııa Pýtıneva álemdik reıtıngte 47-den 45-ke kóterildi.
Juptyq synda Qazaqstannyń birinshi raketkasy Anna Danılına 26-ornyn saqtap qalsa, Janel Rústemova 972-satyǵa shyqty.
Sonymen birge Jibek Qulambaeva, Gózal Aınıtdınova men Arýjan Saǵyndyqova da reıtıngtegi kórsetkishterin jaqsartty. Bul qyzdar da erteń bolatyn matchqa qatysady.
Al Elena Rybakına sońǵy kezde tennıstegi nátıjelerin jaqsartyp keledi. Mysaly, ol jaqynda AQSh-tyń Maıamı shtatynda ótken WTA 1000 týrnıriniń fınalynda chehııalyq Petra Kvıtovadan jeńilgenine qaramastan, álemdik tennıstiń tarıhynda rekord jasady. Ol WTA 1000 sanatyndaǵy bir týrnırde 70-ke jýyq eıs jasaǵan alǵashqy tennısshi atandy.
Rybakına Anna Kalınskaıamen matchta 14, Paýla Badosamen oıynda 12, Elıze Mertenspen jáne Martına Trevızanmen kezdesýde 10, Djessıka Pegýlamen básekede 11 jáne Petra Kvıtovamen fınalda 12 eıs jasady. Tennısshiniń Maıamıdegi týrnırde jasaǵan eısteriniń jalpy sany 69 boldy. Buǵan deıin birde-bir tennısshi mundaı jetistikke jetpegen. Sondaı-aq Elena Rybakına fınalda 650 reıtıngtik upaıǵa ıe boldy.
Dastan KENJALIN,
FOTO: Ilııas OMAROV,
ASTANA
