Boksshy Meıirim Nursultanov qarsylasyn nokaýtqa jiberdi

Ońtústik Koreıanyń Inchhon qalasynda ótken boks keshindegi basty jekpe-jekte Meıirim Nursultanov pen japonııalyq Kadzýto Takesako (15-0, 14 KO) sharshy alańǵa shyqty.

Bul jekpe-jekte qazaq boksshysy orta salmaqtaǵy WBO International tujyrymy boıynsha chempıondyq ataqty sarapqa saldy.

Boksshylardyń ekeýi de buǵan deıin rıngte jeńilip kórmegen edi. Meıirim jekpe-jekte basymdylyǵyn kórsetip, segizinshi raýndta qarsylasyn sulatyp túsirdi.

Osylaısha, 12 raýndqa eseptelgen jekpe-jek merziminen buryn aıaqtalyp, Kadzýto Takesako alǵash ret nokaýtpen jeńildi.

Sóıtip, Nursultanov kásipqoı bokstaǵy 19 ret jeńiske jetip, WBO beldigin saqtap qaldy.

Dastan KENJALIN,

ASTANA