قازاقستان شاحماتشىلارى مەن الەم قۇراماسى اراسىنداعى ماتچ باستالدى

استانادا شاحماتتان قازاقستان ايەلدەر قۇراماسى مەن الەم قۇراماسىنىڭ اراسىنداعى ماتچ باستالدى. بۇل تۋرالى Qazsport حابارلادى.

بۇل ماتچ 19 ساۋىرگە دەيىن «استانا» حالىقارالىق قارجى ورتالىعىندا راپيد جانە بليتس تۇرلەرى بويىنشا وتەدى.

ۇلتتىق كوماندانى گروسسمەيستەر گۇلميرا داۋلەتوۆا، الەم قۇراماسىن گروسسمەيستەر دانا رەيزنيەتسە-وزولا باستاپ وتىر. ءار كوماندانىڭ قۇرامىندا 8 ادامنان بار.

شاحمات تاقتاسىندا قازاقستان اتىنان ءبيبىسارا اساۋباەۆا، جانسايا ابدىمالىك، دينارا سادۋاقاسوۆا، مەرۋەرت كاماليدەنوۆا، ليا قۇرمانعاليەۆا، كسەنيا بالاباەۆا، الۋا نۇرمانوۆا، زارينا نۇرعاليەۆا باق سىنايدى.

قازاقستان قۇراماسىنا قارسى قىتايلىق شاحماتشى، ءتورت دۇركىن الەم چەمپيونى جانە FIDE رەيتينگىندە №1 شاحماتشى، 29 جاستاعى حوۋ يفان، نانا زاگنيدزە (گرۋزيا)، حاريكا دريۋناۆاللي ء(ۇندىستان)، گيۋناي مامەزادە ء(ازىربايجان)، نۋرگيۋل ساليموۆا (بولگاريا)، جوكا گاال (ۆەنگريا)، شري ب. ساۆيتا ء(ۇندىستان) مەن افرۋزا حامداموۆا (وزبەكستان) وينايدى.

ماچتىڭ سالتاناتتى اشىلۋ راسىمىندە جەرەبە تارتىلىپ، وندا قازاقستان قۇراماسىنان دينارا سادۋاقاسوۆا مەن حوۋ يفان وينايتىنى بەلگىلى بولدى.

ەكىنشى تاقتادا حاريكا درۋناۆاللي مەرۋەرت كاماليدەنوۆاعا قارسى وينايدى.

ءۇشىنشى تاقتادا ءبيبىسارا اساۋباەۆا مەن گيۋناي مامەزادە كەزدەسەدى.

ءتورتىنشى تاقتادا نانا زاگنيدزە مەن جانسايا ابدىمالىك باق سىنايدى.

قازاقستان شاحمات فەدەراتسياسىنىڭ پرەزيدەنتى تيمۋر تۇرلوۆ ءداستۇر بويىنشا ماتچتىڭ العاشقى ءجۇرىسىن جاسادى.

داستان كەنجالين،

استانا