Qazaqstan shahmatshylary men álem quramasy arasyndaǵy match bastaldy

Astanada shahmattan Qazaqstan áıelder quramasy men álem quramasynyń arasyndaǵy match bastaldy. Bul týraly Qazsport habarlady.

Bul match 19 sáýirge deıin «Astana» halyqaralyq qarjy ortalyǵynda rapıd jáne blı túrleri boıynsha ótedi.

Ulttyq komandany grossmeıster Gúlmıra Dáýletova, álem quramasyn grossmeıster Dana Reıznıee-Ozola bastap otyr. Ár komandanyń quramynda 8 adamnan bar.

Shahmat taqtasynda Qazaqstan atynan Bıbisara Asaýbaeva, Jansaıa Ábdimálik, Dınara Sádýaqasova, Merýert Kamalıdenova, Lııa Qurmanǵalıeva, Ksenııa Balabaeva, Alýa Nurmanova, Zarına Nurǵalıeva baq synaıdy.

Qazaqstan quramasyna qarsy qytaılyq shahmatshy, tórt dúrkin álem chempıony jáne FIDE reıtınginde №1 shahmatshy, 29 jastaǵy Hoý Ifan, Nana Zagnıdze (Grýzııa), Harıka Drıýnavallı (Úndistan), Gıýnaı Mamezade (Ázirbaıjan), Nýrgıýl Salımova (Bolgarııa), Joka Gaal (Vengrııa), Shrı B. Savıta (Úndistan) men Afrýza Hamdamova (О́zbekstan) oınaıdy.

Machtyń saltanatty ashylý rásiminde jerebe tartylyp, onda Qazaqstan quramasynan Dınara Sádýaqasova men Hoý Ifan oınaıtyny belgili boldy.

Ekinshi taqtada Harıka Drýnavallı Merýert Kamalıdenovaǵa qarsy oınaıdy.

Úshinshi taqtada Bıbisara Asaýbaeva men Gıýnaı Mamezade kezdesedi.

Tórtinshi taqtada Nana Zagnıdze men Jansaıa Ábdimálik baq synaıdy.

Qazaqstan shahmat federaııasynyń prezıdenti Tımýr Turlov dástúr boıynsha matchtyń alǵashqy júrisin jasady.

Dastan KENJALIN,

ASTANA