Almatydaǵy marafonda taǵy bir adam qaıtys boldy (VIDEO)

Jaqynda Almatyda ótken «Tengrı Ýltra» marafonǵa qatysqan 41 jastaǵy azamat márege sanaýly metr qalǵanda qaıtys bolǵan edi. Ol osymen jarysqa tórtinshi ret qatysqan kórinedi. Qaıtys bolǵan azamat densaýlyǵyna qatysty shaǵym aıtpapty.

Osy oqıǵaǵa baılanysty 24.kz marafondy uıymdastyrýshylar men dárigerlerdiń júgirý jarysyna qatysqan azamat týraly pikirlerin jarııalady.

Dárigerlerdiń aıtýynsha, marafon talaptaryn kúsheıtý qajet. Sebebi, jyl saıyn júgirý jarysynda keminde bir adamnyń qaıtys bolatyny alańdatady.

Almatydaǵy «Tengrı Ýltra» marafonyn uıymdastyrýshylar bolsa, «Jarysqa qatysýshynyń densaýlyǵy aldyn ala tekserile me?» degen suraqqa jaýap berýden bas tartty. Biraq áleýmettik jelidegi paraqshasynda máseleniń mán-jaıyn túsindirip, marqumnyń otbasyna kóńil aıtty.

Marafondy uıymdastyrýshylardyń biriniń aıtýynsha, qaıtys bolǵan azamatqa jarysta kezekshilikte turǵan ıntensıvti terapııa brıgadasy birden alǵashqy kómek kórsetti. Alaıda qutqaryp qala almady.

Astana qalasy ákimdiginiń sporttyq-buqaralyq is-sharalardy ótkizý dırekııasynyń bólim basshysy Ajar Mýsýlambekova marafonǵa tek ruúqsat qaǵazy bar adamdar ǵana jiberiletinin aıtty.

Ár is-sharanyń ózindik erejesi, ıaǵnı reglamenti bolady. Sol reglament boıynsha árbir qatysýshy densaýlyǵy jaramdy týraly dárigerdiń móri bar qaǵaz ákeledi. Sol qaǵaz arqyly ǵana tirkele alady. Densaýlyǵy jaramsyz bolsa, biz ony qabyldaı almaımyz. Tirkeýden ótpeıdi.  Astana qalasynda bul jaǵynan talap qatań, — dedi ol.

Al marafonshylardyń pikirinshe, júgirý jarysyna qatysqysy keletin adam eń bastysy jattyǵý jasaý qajet. Iaǵnı, marafonǵa birneshe aı daıyndalý kerek. Mysaly, jeńil atletıka jattyqtyrýshysy Aıgúl Arjanıkova Ystambul marafonyna kóp adam qatysqanyn, ol jerde eshqandaı anyqtama suramaǵanyn, tek jaýapkershilik týraly qaǵazǵa qol qoıǵandaryn aıtty.

Sondyqtan marafonǵa birneshe aı daıyndalý kerek. Jattyqpasańyz, ózińizdiń densaýlyǵyńyzǵa qaýip tónedi. Ásirese, ýaqytpen jarysqanda qıyn, — dedi ol.

Sol sııaqty áýesqoı sportshy Sáýle Kemelova da marafonǵa asa jaýapkershilikpen qatysý kerektigin eskertti. Onyń aıtýynsha, bar kánini jarysty uıymdastyrýshylarǵa artýǵa bolmaıdy. Bul qate pikri.

Biz únemi qol qoıamyz. Eger qol qoımasaq qatysýshynyń nomeri berilmeıdi. Barlyq jarystyń aldynda «óz densaýlyǵym úshin ózim jaýap beremin» dep, qujatqa qol qoıasyń. Uıymdastyrýshyǵa ǵana kiná artýǵa bolmaıdy. Densaýlyǵy myqty adamnyń ózi qulap jatady. Múmkin ol jaısyz uıyqtaǵan shyǵar, múmkin basqa da stresstik jaǵdaıda bolǵan shyǵar, — dedi ol.

Al dárigerlerdiń aıtýynsha, jarysqa qatysatyn kez kelgen adam arnaıy tekserýden ótýi qajet.

Qaıyrǵalı Koneev esimdi kardıologtyń pikirinshe, ár adam marafonǵa qatynasamyn dese, mindetti túrde dárigerge baryp, júregin teksertip, analızderin tapsyryp, dárigerge ózi barýy kerek. Marafonǵa qatysatyn adam densaýlyǵyna jaýapkershiligin ózi alýy kerek.  Árıne, adam óz ómiri úshin aldymen ózi jaýapty, — dedi dáriger.

Qoryta aıtqanda, elimizde uıymdamstyrylatyn marafondardan jyl saıyn bir áýlettiń otbasy qara jamylyp jatady. Bul aldymen dárigerler men sportshylar aıtqandaı, jarysqa qatysatyn adamnyń jaýapkershiligine baılanysty.

Dastan KENJALIN,

ASTANA