Bokstan ÁCh: Qazaqstan quramasy beıresmı esepte ekinshi oryn aldy

О́zbekstannyń astanasy – Tashkent qalasynda 1 mamyrda bastalǵan bokstan eresekter arasyndaǵy álem chempıonaty máresine jetti.

Bul dodada О́zbekstan quramasy jalpykomandalyq esepte bárinen buryn alǵa shyǵyp, birinshi orynnan kórindi. Alań ıeleri 5 altyn, 2 kúmis, 2 qola medal aldy. Al  Qazaqstan qurama komandasy 4 altyn, 1 kúmis júldemen ekinshi orynǵa shyqty. Úshinshi oryndy 2 altyn, 4 qola medal jeńip alǵan Reseı quramasy ıelendi.

Mundaı jetistikke elimizdiń quramasy 2013 jyly Almatyda ótken álem chempıonatynan keıin ekinshi ret jetip otyr. Sol kezde de bas jattyqtyrýshysy Myrzaǵalı Aıtjanov bastaǵan ulttyq qurama 4 altyn, 2 kúmis jáne 2 qola medal jeńip alǵan edi. Al eger bıylǵy álemdik dodada Tashkenttiń tórinde kerilgen sharshy alańda taǵy eki qandasymyz júldeger atanǵanyn esepke alsaq, onda bul kórsetkish buryn-sońdy bolmaǵan rekord bolady. Iaǵnı, О́zbekstannyń jeıdesinde qolǵap túıistirgen Rýslan Ablýllaevtyń altyn júldesin qosqanda, qazaq boksshylary 5 altyn medal alǵan bolyp esepteledi. Sol sııaqty, Qytaı komandasynyń atynan qatysqan Tańatqan Toqtarbektiń kúmis júldesi de qazaq bylǵary qolǵap sheberleriniń qoryna qomaqty úles bolyp qosyldy.

Bıylǵy chempıonatta Kýba men Franııa quramasy bir-bir altyn júlde aldy. Bostandyq eliniń komandasy 1 altyn, 3 kúmis jáne 2 qola júldemen tórtinshi orynnan kórinse, 1 altyn, 1 kúmis jáne 1 qola medal ıelengen Franııa quramasy besinshi orynǵa taban tiredi.

Basqa memleketterdiń ulttyq quramalary mynadaı oryn aldy:

6.Grýzııa (0-1-2), 7-9. Mońǵolııa, Brazılııa, Ázerbaıjan (0-1-1), 10-11. Qytaı, Italııa (0-1-0), 12-13. Úndistan, Ispanııa (0-0-3), 14.Armenııa (0-0-2), 15-18.Qyrǵyzstan, Iordanııa, Tájikstan, Meksıka (0-0-1).

Chempıondar men júldegerler:

48 kg. 

1.Sanjar Táshkenbaı (Qazaqstan);

2.Sahıl Alahverdovı (Grýzııa);

3.Edmond Hýdoıan (Reseı), Alehandro Klaro Fız (Kýba).

51 kg. 

1.Hasanboı Dýsmatov (О́zbekstan);

2.Bılal Bennama (Franııa);

3.Martın Molına Salvador (Ispanııa), Dıpak Dıpak (Úndistan).

54 kg. 

1.Mahmud Sabyrhan (Qazaqstan);

2.Oıbek Jýraev (О́zbekstan);

3.Iosvanı Veıtıa Soto (Kýba), Dmıtrıı Dvalı (Reseı).

57 kg.

1.Abdýmalık Halokov (О́zbekstan);

2.Del-Reı Saıdel Orta Rodrıges (Kýba);

3.Mýnarbek Seıtbek ýýlý (Qyrǵyzstan), Hýssam Ýddın Mohammed (Úndistan).

60 kg. 

1.Sofııan Oýmıha (Franııa);

2.Frıslandı Alvares Borges (Kýba);

3.Vsevolod Shýmkov (Reseı), Mohammad Abý-Jajen (Iordanııa).

63,5 kg. 

1.Rýslan Abdýllaev (О́zbekstan);

2.Chıngzorıg Baatarsýh (Mońǵolııa);

3.Ovanes Bachkov (Armenııa), Bahodýr Ýsmonov (Tájikstan).

67 kg. 

1.Asadhýja Mýıınhýjaev (О́zbekstan);

2.Dýlat Bekbaýov (Qazaqstan);

3.Mıshelt Battýmýr (Mońǵolııa), Lasha Gýrýlı (Grýzııa).

71 kg. 

1.Asylanbek Shymbergenov (Qazaqstan);

2.Saıdjamshıd Jafarov (О́zbekstan);

3.Nıshant Dev (Úndistan), Ýanderson De-Olıveıra (Brazılııa).

75 kg. 

1.Ioenlı Felısı Ernandes Martınes (Kýba);

2.Ýandereı Perreıra (Brazılııa);

3.Mereno Fendero (Franııa), Alohon Abdýllaev (О́zbekstan).

80 kg. 

1.Nurbek Oralbaı (Qazaqstan);

2.Tańatqan Toqtarbek (Qytaı);

3.Imam Hataev (Reseı), Gazımagomed Jalıdov (Ispanııa).

86 kg. 

1.Sharabýtdın Ataev (Reseı);

2.Berto Loren Alfonso Domınges (Ázerbaıjan);

3.Rogelıo Romero (Meksıka), Georgı Kýshıtashvılı (Grýzııa).

92 kg. 

1.Mýslım Gadjımagomedov (Reseı);

2.Azız Abbes Moýhıdın (Italııa);

3.Lazızbek Mýllodjonov (О́zbekstan), Narek Manasıan (Armenııa).

+92 kg. 

1.Bahodır Jalolov (О́zbekstan);

2.Alehandro Arzola Lopes Fernando (Kýba);

3.Aıýb Gadfa Drıssı El-Assoýı (Ispanııa), Mohammad Abdýllaev (Ázerbaıjan).

 

 

Dastan KENJALIN,

ASTANA