حوككەيدەن ءاچ: قازاقستان قاقپاسىنا سالىنعان شايبا داۋعا اينالدى (ۆيدەو)

حوككەيدەن قازاقستاننىڭ ەرلەر قۇراما كومانداسى الەم چەمپيوناتىنداعى سوڭعى ماتچىن وتكىزدى. سوڭعى ويىندا ۇلتتىق قۇرامانىڭ حوككەيشىلەرى سلوۆەنيا كومانداسىمەن كەزدەسىپ، 4:3 ەسەبىمەن ۇتتى. ال ونىڭ الدىندا لاتۆيا قۇراماسىمەن ويىندا وتانداستارىمىز 7:0 ەسەبىمەن جەڭىلگەن بولاتىن. وسى ماتچتا لاتۆيانىڭ قازاقستان قاقپاسىنا سالعان ءۇشىنشى شايباسى داۋعا اينالدى.

ەكىنشى كەزەڭنىڭ باسىندا مارتينش دزيەركالس ءۇشىنشى شايبانى سوققاندا، ول سپورتسۇيەر قاۋىم ءۇشىن وتە داۋلى بولىپ كورىنگەن. بىراق گول ەسەپتەلدى. وسى ماسەلە تۋرالى حوككەي ساراپشىسى جانە سۋديا گينتس زۆيەدريتيس Sportacentrs.com پورتالىنا نەلىكتەن شايبانىڭ ەسەپتەلگەنىن ءتۇسىندىرىپ بەردى.

ونىڭ ايتۋىنشا، دزيەركالس قازاقستاننىڭ قاقپاسىنا شايبانى دۇرىس باعىتتاي الماي، قاقپاشى اندرەي شۋتوۆقا سوعىلىپ، ونى ابايسىزدا قۇلاتتى. سۋديالار جازباداعى ەپيزودتى قايتا قاراپ، شايبا ولار ورنىنان قوزعالماستان بۇرىن قاقپا سىزىعىن كەسىپ وتكەنىن انىقتادى.

دزيەركالس قازاقستان قۇراماسى قاقپاشىسىنىڭ قۇلاعانىنا، وزىمەن بىرگە قاقپانى ىلە كەتكەنى ءۇشىن كىنالى ەمەس. ونىڭ ۇستىنە تورەشىلەر دزيەركالستى قازاقستان قۇراماسىنىڭ قورعاۋشىسى بۋتەنكو ارتقى جاعىنان ۇستاپ قالعان. سول سەبەپتى، لاتىش حوككەيشىسى قاقپاشى شۋتوۆپەن سوقتىعىسىپ، ونى جاپىرا كەتتى دەپ ەسەپتەدى. سوندىقتان تورەشىلەر دزيەركالسقا قارسى ويىن ەرەجەسى بۇزىلدى دەپ ەسەپتەدى. وسىنداي جاعدايدا شايبا قاقپاعا كىرسە نەمەسە قاقپا قوزعالىپ كەتسە دە گولدى ساناۋ كەرەك، – دەدى گينتس زۆيەدريتيس.

ونىڭ پىكىرىنشە، تورەشىلەر قاقپانىڭ ورنىنان قوزعالعانىنا قازاقستان قۇراماسىنىڭ ويىنشىسى بۋتەنكو كىنالى دەگەن شەشىمگە كەلگەن. سول سەبەپتى گول ەسەپتەلگەن.

قازاقستان قۇراماسى بيىلعى الەم چەمپيوناتىندا 6 ماتچ ويناپ، 4 ۇپاي جينادى. ۇلتتىق قۇراما بۋليتتەن نورۆەگيانى 4:3 ەسەبىمەن جەڭسە، چەحيادان 1:5، شۆەيتساريادان 0:5، كانادادان 1:5 ەسەبىمەن ۇتىلدى.

داستان كەنجالين،

استانا