Andreı Remhe velosporttan Azııa chempıony atandy

Taılandtyń Raıong qalasynda ótip jatqan tas joldaǵy velosporttan Azııa chempıonatynda 23 jasqa deıingi jastar arasynda Andreı Remhe márege birinshi bolyp keldi.

Mádenıet jáne sport mınıstrliginiń habarlaýynsha, ol belgilengen 30 shaqyrymdy 36:11.058 sekýndta júrip ótti. Odan keıin márege qytaılyq Jý zınıan men ındonezııalyq Muhammed Endı Roıan jetti.

Birneshe kún buryn aralas komandalyq synda Ulttyq qurama chempıon atanǵan bolatyn.  Ol kezde Qazaqstan quramasy sapynda Evgenıı Fedorov, Dmıtrıı Grýzdev, Igor Chjan, Mahabbat Úmitjanova, Rınata Sultanova jáne Marına Kýzmına jarys jolyna shyqty.

Jalpy Raıongta 27 elden kelgen 700-ge jýyq veloshabandoz eresekter arasyndaǵy 42-shi, jastar arasyndaǵy 29-shy, 11-shi para Azııa chempıonatynda synǵa túsip jatyr. Bul jerde Parıj Olımpıadasyna qajet reıtıng upaılary sarapqa salynady.

Chempıonat 13 maýsymda aıaqtalady.

Dastan KENJALIN,

ASTANA