Рыбакина көгалдағы төсеніште жаттығып жатыр

Қазақстанның бірінші, әлемнің үшінші ракеткасы Елена Рыбакина көгалдағы төсеніш маусымына дайындықты бастады.

Ол Словакияда көгал төсенішіндегі жаттығуын өткізді. Қазақстандық теннисшінің жаттығуынан түсірілген видео Instagram-дағы Tenisová škola Jednotka аккаунтында жарияланды.

Рыбакина 19-25 маусым аралығында Берлинде (Германия) өтетін турнирге қатысады.

Бұған дейін ол «Ролан Гаррос» турнирінің үшінші айналымында сырқаттанып, жарысты жалғастыра алмаған еді.

Дастан КЕНЖАЛИН,

АСТАНА