Qazaqstan favorıt bolsa da bosańsýǵa bolmaıdy – Magomed Adıev

Qazaqstan ulttyq quramasynyń bas jattyqtyrýshysy Magomed Adıev Eýropa chempıonatyna irikteý kezeńindegi San-Marınomen matchtyń aldynda BAQ ókilderiniń suraqtaryna jaýap berdi.

– Magomed Musauly, San-Marıno men Soltústik Irlandııa quramalarymen oıyndardyń arasynda úsh kún ǵana úzilis bolady. Ýaqyt tyǵyz eken, úzilis qysqa. Eki komandanyń da deńgeıi birdeı emes. Bul eldermen bizdiń komanda qaı quramda shyǵady? Komandanyń quramy ózgere me?

– Biz qarsylaspen qalaı oınaıtynymyzdy josparlaımyz. Únemi jadymyzda ustaıtyn josparly ózgerister bar. Biraq oıynda ártúrli jaǵdaılar bolady. San-Marınomen oıynnan keıin bizdiń quramda ózgerister bolýy múmkin. Sony oılap júrmin.

– Qazaqstan quramasy syrttaǵy kezdesýlerde sırek favorıt sanalady. San-Marıonomen machta favorıt ekenbiz. Komanda qarsylasty jeńe ala ma?

– Qazaqstan quramasyna favorıt degen baǵa berilip jatsa, nege qýanbasqa? Qýanyp otyrmyn. Biraq eshqashan bosańsýǵa bolmaıdy. О́ıtkeni, ol eshteńeni bildirmeıdi. Favorıt bolǵanyń úshin upaı berilmeıdi. Barlyǵyn jasyl alańdaǵy oıyn sheshedi.

– Aldaǵy oıynda Abat Aıymbetovtyń ornyna kim shyǵady?

– Oıynnyń josparyn jasadyq. Endi matchty kúteıik. Keıbir oıynshylarǵa qatysty suraqtar bar. Biz sońǵy jattyǵýdan keıin eki pozıııany sheshemiz.

– Arman Keńesov pen Álibek Qasymnyń aldaǵy oıyndarǵa shyǵa ma?  

– Qurama komandada básekelestik bar. Sondyqtan olarǵa ońaı emes. Men komandadaǵy oıynshylardyń bárine senemin. Biraq múmkindikteri qanshalyqty ekenin naqty bilmeımin. Oıyn barlyǵyn kórsetedi. Keıde jospardan tys sheshimder qabyldanady. Oılamaǵan fýtbolshy alańǵa shyǵatyn jaǵdaılar da bolady.

– Zaınýtdınovke Reseı kýbogynyń fınaly qıyn bolǵan sııaqty. Bahtıer aldaǵy matchtarda ózine kele me?  

– Men aıtqan fýtbolshylardyń biri – Zaınýtdınov. Ol ózin azdap jaısyz sezinip júr. Baha – óz eliniń jáne ulttyq quramanyń naǵyz patrıoty. SKA oıynshysy retinde aldaǵy oıynǵa qatysqysy keletinin aıtty. Alaıda onyń alańǵa shyǵatynyn-shyqpaıtynyn áli aıta almaımyn. San-Marıondan keıin Soltústik Irlandııamen oıyn bolady. Endi kóremiz. Dál qazir bárin aıta almaımyn. Qazir Bahıter quramamen jattyǵý jasap júr.  Búgin sheshim qabyldaımyz.

– Magomed Musauly, ózińiz bilesiz, jaqynda Abaı óńirinde órtten keıin halyqtyń kóńil-kúıi bolmaı júr deýge bolady. Osyndaı kezde ulttyq qurama eki oıynda jeńiske jetip, elimizge qýanysh syılaı ala ma?

– Iá, árıne, biz Abaı oblysynda bolǵan, jalpy elimizde bolyp jatqan oqıǵalardyń bárinen habardarmyz. Barlyǵyn jaqsy túsinemiz. Komandadaǵy jigitter de biledi. Qıyn jaǵdaıǵa tap bolǵan jandarǵa alańdap, qoldan kelgenshe kómek kórsetkimiz keledi. Bul týraly federaııa prezıdentimen de sóılestim. О́rt sóndirýshiler men óz ómirlerin qaterge tikken barsha jandarǵa alǵysymyzdy bildiremiz. Olarǵa kúsh-qýat tileımin! Qıyn jaǵdaıdyń bári artta qalady  dep úmittenemin.