مەسسي «ينتەر مايامي» كلۋبىنا تانىستىرىلادى

ارگەنتينا ۇلتتىق قۇراماسىنىڭ شابۋىلشى ليونەل مەسسيدىڭ جاڭا كلۋبىنداعى تانىستىرىلىمى وتەدى.

Munro Deportivo باسىلىمىنىڭ حابارلاۋىنشا، 16 شىلدەدە ليونەل مەسسيدىڭ «ينتەر مايامي» كلۋبىمەن تانىستىرىلىمى بولادى.

بىراق تانىستىرىلىمنىڭ بولاتىن كۇنى رەسمي تۇردە بەلگىلەنبەگەن. ال بيلەتتەردىڭ بارلىعى ساتىلىپ كەتتى. ستاديون باسشىلىعى ارەنانى 18 مىڭنان 21 مىڭعا دەيىن كوبەيتۋدى جوسپارلاپ وتىر.

سونىمەن بىرگە تانىستىرىلىم كەزىندە سەرحيو بۋسكەستپەن كەلىسىمشارتقا قول قويۋ ءراسىمى دە ءوتۋى مۇمكىن، — دەلىنگەن ماتەريالدا.

بۇعان دەيىن حابارلانعانداي، مەسسي Mundo Deportivo باسىلىمىنا بەرگەن سۇحباتىندا سوڭعى كەزدە بولاشاق كومانداسىنا قاتىستى الىپ-قاشپا اڭگىمەنىڭ بولىپ جاتقانىن، يسپانيانىڭ «بارسەلونا» مەن ساۋد ارابياسىنىڭ «ءال-حيلال» كومانداسىندا وينامايتىنىن ەسكەرتىپ،  تاڭداۋدى اقش-تىڭ MLS ليگاسىنا جاساعانىن مالىمدەدى.

داستان كەنجالين،

استانا