Qaraǵandy oblysy qol dobynan óz ataǵyn qorǵap qaldy

Qaraǵandy qalasynda qol dobynan erler arasynda VI jazǵy Spartakıadasy máresine jetti, dep habarlady Mádenıet jáne sport mınıstrliginiń Sportty damytý dırekııasy.

Bir apta boıy kenshiler astanasynda 6 óńirdiń komandasy ózara (Astana, Shymkent qalasy, Qaraǵandy, Mańǵystaý, Aqtóbe jáne Almaty oblysy) aınalmaly júıe boıynsha myqtyny anyqtady.

Sheshýshi týrda birden Qaraǵandy, Aqtóbe men Shymkent gandbolshylary bas júldeden dámeli boldy. Jarys qojaıyny Astana qalasynyń komandasyn utyp (38-30), upaı sanyn 8-ge jetkizdi. Osydan keıin Shymkent qalasy Aqtóbe oblysynyń jasaǵyn 33:22 esebimen jeńdi. Osylaısha, 3 komanda da birdeı 8 upaıdan jınady.

Júldegerler dop aıyrmashylyǵy boıynsha ǵana anyqtaldy. Qaraǵandy oblysy jeńimpaz atansa (57-53), Shymkent qalasy kúmis (56-55), Aqtóbe oblysy (51-56) qola medalge ıe boldy.

Osyǵan deıingi V jazǵy Spartakıada Qaraǵandy qalasynda ótken. Sol kezde 4 komandanyń arasynda (Qaraǵandy, Astana, Pavlodar men Atyraý) kenshiler chempıon atanǵan. Astana qalasy kúmis, Pavlodar oblysy qola alǵan. Bıylǵy jarystyń deńgeıi bir saty bolsa da kóterilgen. Sońǵy týrda 3 komandanyń birdeı upaı jınap, teń túsýi sonyń kórsetkishi, — dedi Astana qalasy komandasynyń jattyqtyrýshysy Vladımır Berezın.

Nebári eki ret jeńiske jetken elordalyqtar bul joly 4-orynmen shekteldi. Jazǵy Spartakıadaǵa qatysyp jatqan jańa oblystyń biri Almaty besinshi, al Mańǵystaý oblysy altynshy satydan kórindi.

Biz qola medaldy mise tuttyq. Qalaǵanymyz bas júlde edi. Shymkent qalasymen nashar oınadyq. Ásirese, alǵashqy aınalymda. Tym kóp gol soqqyzyp alǵan soń aıyrmashylyq kóbeıip ketti. Nege bulaı bolǵanyn bilmeımin. Demek, áli daıyndyqty kúsheıtip, taǵy jumys isteý kerek. Endi ulttyq quramamen Azııa oıyndaryna daıyndyq kútip tur. Quramanyń jýyrda jasaqtalǵanyna qaramastan jaqsy nátıje kórsetýge barymyzdy salamyz, — dedi Aqtóbe komandasynda oınaıtyn ulttyq quramanyń qaqpashysy Asylhan Nabıev.

Qazaqstan erler quramasy alda Qytaıdaǵy Azıada men Qatar astanasynda ótetin Parıj Olımpıadasynyń irikteý týrnırine qatysady.

Shamken BAIYRBEK,

ASTANA