ۋيمبلدون ءتۋرنيرى: رىباكينا شيرەك فينالعا شىقتى

قازاقستاننىڭ ءبىرىنشى، الەمنىڭ 3-راكەتكاسى ەلەنا رىباكينا ۋيمبلدون ءتۋرنيرىنىڭ شيرەك فينالىنا شىقتى، دەپ حابارلادى قازاقستان تەننيس فەدەراتسياسى.

رىباكينا ءتورتىنشى اينالىمدا الەمنىڭ 13-راكەتكاسى، برازيليالىق بەاتريس حادداد مايامەن وينادى.

بۇل جولى ءبىرىنشى پارتيادا رىباكينا 3:1 ەسەبىمەن برەيكپەن العا شىقتى. سودان كەيىن ءوز گەيمىن الدى. ەسەپ – 4:1. وسى ساتتە مەديتسينالىق كومەككە جۇگىنگەن برازيليالىق تەننيسشى ماتچتى جالعاستىرۋدان باس تارتتى.

ەلەنا رىباكينا جارتىلاي فينالعا شىعۋ ءۇشىن الەمنىڭ 6-راكەتكاسى، تۋنيستىك ونس جابەر نەمەسە رەيتينگتە 9-ساتىداعى چەحيالىق پەترا كۆيتوۆانىڭ بىرەۋىمەن كەزدەسەدى.