Уимблдон турнирі: Рыбакина жартылай финалға шыға алмады

Рыбакина Уимблдон турнирінің жартылай финалына шыға алмады.

Теннисші ширек финалда әлемнің 6-ракеткасы, тунистік Онс Жабермен кездесіп, алғашқы партияда 7:6 есебімен ұтса, да кейінгі екі сетте 4:6, 1:6 есебімен жеңіліп қалды.

Екі сағатқа жуық уақытқа созылған матчта Рыбакина 7 эйс жасап, 9 брейк-пойнттың екеуін пайдаланды.

Енді Онс Жабер финалға шығу үшін әлемнің 2-ракеткасы, Беларусь өкілі Арина Соболенкомен кездеседі. Ол дүниежүзілік рейтингте 18-орында тұрған америкалық Мэдисон Кизді 6:2, 6:4 есебімен ұтты.

Дастан КЕНЖАЛИН,

АСТАНА