Ýımbldon týrnıri: Qazaqstan tennısshileri qomaqty tabys tapty

Qazaqstan tennısshileriniń Ýımbldon týrnırinde qansha tabys tapqany belgili boldy.

Tennıs federaııasynyń habarlaýynsha, jekeleı synda shırek fınalǵa deıin jetken Elena Rybakına 340 myń fýnt sterlıng (194 075 525 teńge) tapty.

Jekeleı synda tórtinshi aınalymnan asa almaǵan Aleksandr Býblık 207 myń fýnt sterlıng (118 157 746 teńge) aldy.

Iýlııa Pýtıneva jekeleı (55 myń fýnt sterlıng nemese 31 394 570 teńge) jáne juptyq (6 875 fýnt sterlıng nemese 3 924 321 teńge) synda alǵashqy aınalymda óner kórsetkeni úshin barlyǵy 61 875 fýnt sterlıng nemese teńgemen sanaǵanda 35 318 891 teńgege ıe boldy

Anna Danılına juptyq syndaǵy alǵashqy aınalymnan asa almady. Solaı desek te ol 6 875 fýnt sterlıng (3 924 321 teńge) jáne mıksta shırek fınalda óner kórsetkeni úshin 8 250 fýnt sterlıng (4 709 185 teńge) addy. Ekeýin sanaǵanda Danılına 15 125 fýnt sterlıng (8 633 506 teńge) tapty.

Juptyq synda alǵashqy aınalymda súringen Aleksandr Nedovesov pen Andreı Golýbev árqaısysy 6 875 fýnt sterlıngti (3 924 321 teńge) qaltasyna basty.

Ýımbldonnyń irikteý satysynyń birinshi aınalymynda oınaǵan Tımofeı Skatovtyń tabysy – 12 750 fýnt sterlıng (7 277 832 teńge).

Dastan KENJALIN,

ASTANA